Grill ขุนทอง (和安里)

Open Now

Now Closed

去開中環，試吓呢間成日經過的泰式串燒，和試了他們的海南雞飯。他們的招牌串燒炒飯其實都幾好味，尤其係牛肉和豬肉，但因我們唔食得辣，所以覺得個炒飯辣咗些少。個碟汁拌串燒超正👍🏻👍🏻唔夠喉，繼續叫。試咗佢哋嘅白鱔串燒，份量比預期少，所以之後再叫其他嘢食！白鱔到的時候，侍應第一個紙袋給我們，諗住堂食會有隻碟😅⋯⋯拎出嚟嘅時候見到一邊燒到燶晒，有啲唔開心，心諗點可以咁樣俾人食㗎 ？另一半話可能同醬料有關，照食 - 點知真係燒燶咗！我哋整走左層焦，食其他部份。留意到另一面啲蒜蓉酸酸地，其實好好味。白鱔本身都好新鮮。仍然唔夠喉，繼續叫。之後落單嘅時候，同佢哋反映咗白鱔燒燶咗嘅事。佢哋話原來有啲客人鍾意燶，知道我哋唔鍾意，落單後聽到佢同廚房講叫我唔燒得咁燶。滿意他們的服務態度，會聆聽客人的要求👍🏻。之後追加的串燒真係燒好合我哋心意！特別推介牛仔骨。肉質嫩滑多汁😋。店舖環境光猛，但有些少逼夾，兩人枱夠一個人用。幸好當晚不太多人，我哋兩個人先可以坐張四人枱，食得舒服啲。