1樓冰室 (Closed)

掛住行街，無唸食乜，朋友一到，求其係openrice揾間店食。幾間店中選左呢間，因為佢湯粉飯麵都有。入到去睇左menu，選擇真多，連邊爐都有。我見呢個餐有咁多嘢，即管試下。先有2碟前菜，係泡菜同雲耳仔，都入味，好食。再有一大碗魯肉飯加蛋同豆腐。再有叉燒炒蛋，仲有少許沙律菜。佢個魯肉飯原來係紅米飯。個飯唔錯呀，個魯肉好夠味 個叉燒唔夠“林”，但都入味 個蛋未到滑蛋，但可以嘅。最正係....仲要加$8有碗糖水。個糖水都有5個選擇，我選左有桃膠嘅腐竹薏米糖水囉。$55餐咁多嘢，禹素都值7分半，再加$8糖水，飽到不得了，值得再去。