JA Kitchen

晚上圓方睇完戲行去渡船街睇下有咩好食，經過見到一間裝修以水泥灰色感覺幾有格調的餐廳，望一望佢哋嘅餐牌原來係做fusion廚師發辦，店員出嚟詳細介紹9:30後仲有宵夜Menu，廚師發辦就做到9:30，望望時間8:30,店員話可以點一個廚師發辦試吓到9:30食宵夜Menu，當時見店內已坐八成客氣氛都吳錯店員亦都有禮貌咁我哋就決定試一試，入到店內店員細心地幫太太拉凳然後再講解廚師發辦Menu，我哋就點咗一個廚師發辦試一試，心諗如果好食嘅9:30後再點宵夜Menu唔好食就走，由第一道菜上碟已見到廚師嘅心機，賣相非常靚，設計有心思，尤其是個鰻魚手卷，真係超級好食，塊紫菜嘅味好重，紫菜上面係一塊炸乾咗嘅木綿豆腐,豆腐上面係一塊超脆嘅魚皮，魚皮上面係一個好香嘅鰻魚，鰻魚上面重有魚子醬個配搭非常特別好食，之後見到個每日推介有時令香箱蟹同原隻活海膽就每款點了一份，香箱蟹超多蟹籽原隻海膽非常鮮甜，到宵夜Menu試吓啲串燒，惹味好食😋，仲諗住宵夜Menu平啲質素冇咁好，每一道菜店員上菜時亦都詳細解釋非常細心👏🏻真係冇選擇錯，已同太太book定下星期再試吓另一個廚師發辦，因為見到有個煎嘅魚翅好似好特別，期待下