沙嗲王 (Closed)

早前沙嗲王同比卡超合作，依加終於輪到Monster Hunter啦。今次點左4樣菜式，有兩樣都係以Monster Hunter做主題既，可惜呢個主題既菜式令我有點兒失望。Berona 屋台燉煮特產蘑菇配薄餅: 呢個份量比預期既少，當初以為佢地既薄餅好似印度薄餅咁，上菜時先發現原來只係一碗蘑菇湯加4粒酥皮，不過$39 唔可以要求咁多啦。特製燒肉拼盤(雞肉): 呢個拼盤只不過係2隻雞脾加少少薯角同菜，無咩特別，雞肉味道一般，薯角份量少得驚人，整體感覺令人有點兒失望。避風塘軟穀蟹: 呢個有分標準同加倍兩個SIZE，因為得返我地2個人，所以都係叫左個標準既算啦。軟穀蟹炸得都幾脆，係係味道就濃左少少，有改進既空間。明太子薄餅:呢個薄餅係後加架，因為見到以上既食物份量都比預期少，可惜眼闊肚窄，早知唔洗叫都得，呢個薄餅又真係幾好味，夠火爐之餘仲好足料，值得encore。