Video
Read full review
2014-07-03
2030 views
我成日睇Facebook,d人話程班長既牛肉麵好好味呀，好地道呀，好似去左台灣咁等等等之類……今日就特登揸車去食啦！去到嘩……大排長龍，心諗一定好好味(羊群心理效應)，排隊時候我見到好多人都拎住條冰條食緊，我仲以為係對面鋪頭買，我心諗(對面都幾識做生意喎，係又熱又焗既走廊，開係對面既甜品鋪買雪條咁醒目咩，一定有生意，仲要程班長門口有個紙皮箱俾佢地放垃圾添，咩台灣人真係咁好?)諗完冇幾耐，程班長有個女侍應拎住一大袋冰條出黎派俾大家食，我本身去拎既，但我見到係綠豆冰條，我同老公都唔食既，所以唔好浪費人地既食物，所以俾番個侍應生，但我心諗(原來台灣人真係好好嫁，可能有人會等等下唔食會走，貪心既人會拎幾條走，但佢地都唔介意去免費派俾大家食)依樣值得加分Y(＾_＾)Y等左20分鐘終於有位啦，一坐低我就寫左個清燉半筋半肉麵，炸豬扒便當，红油抄手，單點小食滷大腸，冬瓜茶！湯方面雖然好清，但好油，牛筋好似半硬半淋，完全失望，牛肉唔係太過特別出色!後來我發覺我叫錯麵，我應該叫紅燒半筋半肉麵先岩，但太遲了(￣Д￣)ﾉ炸豬扒便當，可以入口唔錯，但唔係好好食既地步，豬扒好鬆軟唔會好似香口膠咁，啲飯仲有啲配菜
湯方面雖然好清，但好油，牛筋好似半硬半淋，完全失望，牛肉唔係太過特別出色!後來我發覺我叫錯麵，我應該叫紅燒半筋半肉麵先岩，但太遲了(￣Д￣)ﾉ
炸豬扒便當，可以入口唔錯，但唔係好好食既地步，豬扒好鬆軟唔會好似香口膠咁，啲飯仲有啲配菜，雞蛋餅，都可以過得去!
記得趁熱食，一定唔好放到凍先食，你好後悔莫及(︶︹︺)仲有個大腸醬料特別，味道都係麻麻地!冬瓜茶甜要糖尿病o(>﹏<)o
我仲抱住好大希望去試，點知好失望，其實服係好好，但食品就好一般，唔值得依個價錢，唔會再去，試過就算啦！
今次第一次寫食評，因為成日係openrice中伏，所以我希望寫啲中肯既食評啦！
Other Info. :
鋪頭侍應生要講普通話，啲筷子好油淋淋，如果介意唔乾淨就要自己清潔一下先好用啦！
(The above review is the personal opinion of a user which does not represent OpenRice's point of view.)
Post
