Kobe Beef Meat Pie (Closed)

辛累左一朝，難得今日放早，三點三，夠鐘食番個下午茶happy下。Sogo 超巿裝修完之後進駐左好多間過江龍食店，每一間都好想試下。每一次經過神户牛肉批嘅舖頭都會貼住已售罄，好想知道究竟佢有啲咩吸引力呢？可能今日早嚟到，所以排隊人龍都唔係好長，排左七八分鐘就可以買到。不過淨係得番蘋果批同牛肉批兩款仲未賣曬，其他口味就賣曬了。最後我選左神户牛肉批。店員張所選嘅批放落牛油紙袋套住個批，再加多個膠袋，放便攞走外帶。牛肉批攞上手仲少少餘溫，已經唔係好夠熱，失左分。酥化嘅酥皮包住神户牛肉碎同洋蔥粒，整體嚟講都ok 嘅， 冇我想像中甘好吃，一般啦，有啲失望。38蚊一個批都幾貴。唔係特別出色，理解唔到唔解甘多人去朝聖。