Video
Read full review
2013-03-17
496 views
夜晚不知要到哪進餐睇下自己個WISH LIST就呢一間最近上過電視嘅大阪日式燒肉打定電話黎訂，但係話8點半FULL 曬要WALK IN，10點後就WALK IN 一定有位8點半黎到，根本都唔FULL其實店入面都幾迫，座位排得很密，個爐同你個人只係有不足40CM的距離，店員換鐵板時都感覺都幾“牙煙”，不過佢地個樣都似訓練有素同熟手檯上空間都很少，叫多D野都冇位擺咁款另外店內真係好勁油煙味，感覺入面嘅抽油煙系統係形同虛設，離個爐好遠下，點吸油煙？？但係呢啲形同虛設嘅系統引起十分強勁嘅氣流作用我地坐左係門口位，每當有人出入就會引起狂風 （出入廁所有同樣情況）長髮嘅會吹到披頭散髮，我個圍巾成日都吹到亂飛，如果唔小心吹埋個爐度燒著左都幾危險打開餐牌，係有好多CHOICE， MAINLY都係牛同豬，好多部位同內臟都有得食反而雞就好少CHOICE啦點了的食物：（冇乜影相，影完都未必記得邊樣打邊樣）豬側腹幾好肉地同腍，算比較抵食 （＄28）牛尾MENU上的DESCRIPTION：富高蛋白質含豐富骨膠原。從骨髓滲出的美味難以抵擋但係係成塊帶骨的肥膏（搭好少肉咁）係好甘香呀（多膏嘛）但係說好的骨膠原同骨髓
睇下自己個WISH LIST
就呢一間最近上過電視嘅大阪日式燒肉
打定電話黎訂，但係話8點半FULL 曬要WALK IN，10點後就WALK IN 一定有位
8點半黎到，根本都唔FULL
其實店入面都幾迫，座位排得很密，
個爐同你個人只係有不足40CM的距離，店員換鐵板時都感覺都幾“牙煙”，不過佢地個樣都似訓練有素同熟手
檯上空間都很少，叫多D野都冇位擺咁款
另外店內真係好勁油煙味，感覺入面嘅抽油煙系統係形同虛設，離個爐好遠下，點吸油煙？？
但係呢啲形同虛設嘅系統引起十分強勁嘅氣流作用
我地坐左係門口位，每當有人出入就會引起狂風 （出入廁所有同樣情況）
長髮嘅會吹到披頭散髮，我個圍巾成日都吹到亂飛，
如果唔小心吹埋個爐度燒著左都幾危險
打開餐牌，係有好多CHOICE，
MAINLY都係牛同豬，好多部位同內臟都有得食
反而雞就好少CHOICE啦
點了的食物：（冇乜影相，影完都未必記得邊樣打邊樣）
豬側腹幾好肉地同腍，算比較抵食 （＄28）
牛尾
MENU上的DESCRIPTION：富高蛋白質含豐富骨膠原。從骨髓滲出的美味難以抵擋
但係係成塊帶骨的肥膏（搭好少肉咁）係好甘香呀（多膏嘛）
但係說好的骨膠原同骨髓呢？？
牛橫膈膜
有肉味，唔韌，講完
牛脷
外面一熟就要食啦，唔係會好韌
都算OK
豬腸哥（味噌淹）
真係要叫聲阿哥，很彈牙，
彈到香口膠咁，因為係唔會嚼得爛
冇吞到吐了出來
蘆筍薯仔牛油燒（錫紙包住燒）
店員話要燒7分半鐘，夠鐘要叫佢地過黎幫我地整
好啦，夠鐘，知會了店員
佢只係過黎將鍚紙包按了按（睇下有幾脹）
之後開左一個窿仔透氣，跟住就咁走左去
咁即係點？食得未？？
雖然叫我地等同幫我地整野係唔同嘅人，但係都唔駛乜DESCRIPTION同CUE就走左去？？
呢一點真係唔夠細心
最後自己用箝打開錫紙
蘆筍已經有得燶燶地，入口唔JUICY，淋BATBAT咁，應該係燒走曬啲水份
而燶嘅部份亦變成了”渣“
薯仔就都未夠熟，都係我地自己再燒多兩燒燒脆啲先食
油渣烏冬
特色是上面個啲油渣粒吧，但我只係覺得很大陣油味，唔識欣賞
烏冬係細身彈牙，軟硬度掌握得幾好
整體不過不失
叫了一個生菜
有4﹣5塊菜，同埋一碟調了味的蔥絲同辣醬
店員上菜時只求其有位就擺，有幾塊生菜就係咁掂左落啲豬腸哥度！
佢都仲要察覺唔到，要我自己拎開同搣走污糟左個啲位
牛小排同豬糉
最好食嘅兩樣野
豬糉很腍同鬆軟，睇落同食落都唔似豬肉！！
牛小排，都係好腍，係其他食物襯托下變得幾好味
試了雪糕，（牌子叫BILLIKEN）
薑味的很夠薑，仲會有微微嘅薑辣係口中，推介！
綠茶味，望落比一般綠茶雪糕深綠，但係食落又唔係好濃郁，綠茶香不足
佢張櫈可以擺袋同衫避免成身油煙味
另外廁所係有除味劑
兩樣野都算幾細心
但係應該加強抽風系統先囉，搞咁多花臣但係基本野都未搞掂
食完餐飯不停聞到自己個頭陣油味！
另外座位陝窄真係幾令人卻步
如果係食碗麵都OK嘅（好似佢隔離某出名拉麵店）
但係而家係燒肉對住個爐就有少少危險
埋彈都唔平，要二百幾蚊位
但係佢啲份量真係幾少，唔抵食
唔會再幫襯
Post
