南대門

Open Now

Now Closed

唔知大家去到尖沙咀條韓國街(金巴利道)會揀邊間食，花多眼亂之下，見到呢間有個韓國Oppa企響門口拉客，就一於同朋友試下，店內好似無店員識講廣東話，係咪算正宗？！① 芝士炸雞拼烤豬肋骨 $350當鐵板加熱，待芝士溶化，店員教夾住一件炸雞或豬肋骨，然後夾起芝士捲住，邪惡又美味。豬肋骨肉質夠嫰夠腍，炸雞外皮香脆。不過呢個要盡快食用，燒耐左芝士會燒燶變「芝士餅」！② 石鍋拌飯 $95石鍋飯當然要加大量韓式辣醬，將瓜絲，芽菜，蘿蔔，青菜，紫菜，肉粒撈勻之後好豐富，石鍋邊位仲有飯焦，脆口。③人參雞湯 $160人參雞湯清中帶甘易入口，雞肉肉質唔會太老，幾腍幾滑，我食左半隻雞，好飽。