Video
Read full review
2025-01-13
217 views
雖然係呢區出入，唔係同事講起呢區都有，都未知單車館中有呢間西餐廳。原來環境咁有FEEL，空間感夠，柔和燈光令人坐得舒服。有實體餐牌，掃QR CODE落單。食物種類由小食，沙律，薄餅意粉，肉食類到甜品都有。有二人及四人套餐，今晚就食二人餐。多款小食中，心儀呢客照燒汁煎乾蒜美國牛柳粒，一口一粒。肉質腍中帶D嚼口，照燒汁嘅咸中帶微甜，與牛肉組隊，無出事。意粉類一眼就想食呢客冬蔭公海鮮長通粉，fusion煮法唔係好多地方食得到。入口有冬蔭公獨有味道，唔會太辣但幾開人胃口嘅。海鮮料就係蝦隻與八爪魚仔，長通粉煮得有口感，沾滿冬蔭公醬汁食，有驚喜。主菜以肉類為主，豬/牛/鷄/羊/魚都有得選擇是日選擇係紅酒燴牛面肉伴薯蓉，烤澳洲西蘭花輕輕一切已經可以，入口幾嫩滑。個薯蓉都唔可以錯過，口感綿滑有薯仔味道，試過同牛面肉一齊食亦得。見到隔離枱送來薄餅，好似幾吸引，咁就再叫個千島海鮮薄餅($148)，天氣冷要食多D……..哈哈!未食已見到蝦隻已平均落戶到每件薄餅，香軟拉絲芝士加埋八爪魚仔，千島醬與海鮮係好拍檔，餅底係薄脆類，多食都唔會太過飽，趁熱食。甜品有H品牌雪糕杯，味道無得揀。仲有杯餐飲，叫咗杯黑糖牛奶咖
原來環境咁有FEEL，空間感夠，柔和燈光令人坐得舒服。
有實體餐牌，掃QR CODE落單。食物種類由小食，沙律，薄餅意粉，肉食類到甜品都有。
有二人及四人套餐，今晚就食二人餐。
多款小食中，心儀呢客照燒汁煎乾蒜美國牛柳粒，一口一粒。
肉質腍中帶D嚼口，照燒汁嘅咸中帶微甜，與牛肉組隊，無出事。
意粉類一眼就想食呢客冬蔭公海鮮長通粉，fusion煮法唔係好多地方食得到。
入口有冬蔭公獨有味道，唔會太辣但幾開人胃口嘅。海鮮料就係蝦隻與八爪魚仔，長通粉煮得有口感，沾滿冬蔭公醬汁食，有驚喜。
主菜以肉類為主，豬/牛/鷄/羊/魚都有得選擇
是日選擇係紅酒燴牛面肉伴薯蓉，烤澳洲西蘭花
輕輕一切已經可以，入口幾嫩滑。
個薯蓉都唔可以錯過，口感綿滑有薯仔味道，試過同牛面肉一齊食亦得。
見到隔離枱送來薄餅，好似幾吸引，咁就再叫個千島海鮮薄餅($148)，天氣冷要食多D……..哈哈!
未食已見到蝦隻已平均落戶到每件薄餅，香軟拉絲芝士加埋八爪魚仔，千島醬與海鮮係好拍檔，餅底係薄脆類，多食都唔會太過飽，趁熱食。
甜品有H品牌雪糕杯，味道無得揀。仲有杯餐飲，叫咗杯黑糖牛奶咖啡，香甜啡味。
一凍一熱，滿足地加上呢餐一個句號。
Post
