滿天星 (Closed)

今日同老公行銅鑼灣，行到有D攰，想早少少黎個early dinner。行到呢度知道呢幢大廈全是食肆，咁我就話睇吓有無樓上café食吓嘢先。呢間café有室內同室外，今晚落雨，我哋都係坐室內。餐廳裝修簡約，乾淨整齊。原來呢度逢星期四、五同六都有live band，上到黎見佢哋在預備中。餐牌都幾多嘢食，有set dinner同單點，老公發辦點左個羊架同意粉。餐湯：是日餐湯係粟米忌廉湯，味道鹹鹹地，口感比較creamy，ok喎。香煎蒙古羊架配焗薯仔 (野菌汁)：羊架七成熟，老公話味道煎得好香，肉質好嫩，咬落去juicy，配野菌汁係幾好食。焗薯亦都焗得香，食完覺得飽肚。大蝦及大啡菇意粉配香辣龍蝦汁：大蝦有好幾隻，食落爽口。意粉入口每啖都有切碎左嘅大啡菇同醬汁，龍蝦汁味道濃，好夠味道，都幾好食。