濃記車仔麵

Open Now

Now Closed

朋友推介用心制造嘅車仔麵~濃記，真係咁好味？ 等我試下先。車仔麵嘅餸選擇多，想食嘅太多，但個胃就得咁小，咁今次脆脆地叫5個餸先啦，米線，菜，蘿蔔，酸齋，豬紅，豬手，盛惠45蚊。蘿蔔超甜無渣，酸齋夠味唔會一味酸，豬手炆得好冧入味，豬紅好夠味出面食唔到呢種童年嘅味道。大大碗，大胃王都夠食。再特別讚下湯底，真材實料，不含味精，食咗完全唔會口乾仲有濃記嘅阿姐們都好親切有禮貌，舖頭係新裝修，好乾淨企理，店員仲就不時同人客傾計，應該係幫襯開嘅熟客，食嘢之餘，多了一份人情味，唔係度度搵到㗎。