Video
Read full review
2003-11-22
44 views
舊同學聚會，剛巧又選了在這裡食飯，所以迫於無奈下三個星期內第三次幫襯Grappa’s！循例在bar area飲住等，今期美國啤Samuel Adams做緊特價，小瓶26蚊，未飲完一支同學們已到齊，啤酒味道較淡口，可能適合初學者。薄餅廚房係採取開放式設計，可以好清楚咁睇到師傅仔在整各式薄餅。同其他Grappa’s唔同，呢度地方幾大，我們一行七人被安排坐在open kitchen隔離的長檯，幾寬敞。飲品方面，我們這些吹水大皇當然一人一杯涷檸茶，貪佢有得無限添飲；叫了白汁三文魚天使幼麵、茄汁海鮮意粉、辣肉腸大薄餅﹝Pizza alla Sardegna﹞同香草莎樂美腸火腿大薄餅﹝Calzone di Siena﹞。天使幼麵的白汁三文幾好食，幼麵就煮得過淋，「糊」左少少；茄汁海鮮意粉有青口、蜆同魷魚，三款海鮮都幾有鮮味，唔錯；意粉有咬口，唯獨是茄醬太過多，屬美中不足；兩個Spaccata份量的薄餅呈長方型，可分16件，托盤用兩個吉茄汁罐墊高，方便大家分享薄餅，都幾有心思；老實講兩款薄餅味道是差唔幾，係有個辣辣地因有辣肉腸，餅底較韌，但都幾好味，尤其適合一班朋友share，都幾高興。侍應大都是南
循例在bar area飲住等，今期美國啤Samuel Adams做緊特價，小瓶26蚊，未飲完一支同學們已到齊，啤酒味道較淡口，可能適合初學者。
薄餅廚房係採取開放式設計，可以好清楚咁睇到師傅仔在整各式薄餅。同其他Grappa’s唔同，呢度地方幾大，我們一行七人被安排坐在open kitchen隔離的長檯，幾寬敞。飲品方面，我們這些吹水大皇當然一人一杯涷檸茶，貪佢有得無限添飲；叫了白汁三文魚天使幼麵、茄汁海鮮意粉、辣肉腸大薄餅﹝Pizza alla Sardegna﹞同香草莎樂美腸火腿大薄餅﹝Calzone di Siena﹞。
天使幼麵的白汁三文幾好食，幼麵就煮得過淋，「糊」左少少；茄汁海鮮意粉有青口、蜆同魷魚，三款海鮮都幾有鮮味，唔錯；意粉有咬口，唯獨是茄醬太過多，屬美中不足；兩個Spaccata份量的薄餅呈長方型，可分16件，托盤用兩個吉茄汁罐墊高，方便大家分享薄餅，都幾有心思；老實講兩款薄餅味道是差唔幾，係有個辣辣地因有辣肉腸，餅底較韌，但都幾好味，尤其適合一班朋友share，都幾高興。
侍應大都是南亞裔，服務唔錯，招呼幾好，唔使提都不停的為我們的涷檸茶添飲。
傾左成晚，甜品都無食，埋單只850，一人百零蚊唔算太貴。同Fat Angelo’s及Amaroni’s Little Italy一般，食物粗枝大葉，並非fine dinning的好地方，朋友聚會的話就唔錯。
Post