串Grill 自助燒烤專門店 (譽發廣場) (Closed)

餐廳：串Grill 自助燒烤專門店地區：旺角地址：旺角彌敦道558-560號譽發廣場7樓日期：17/1/2023時間：5:35人數：2人 等位： 0mins 價錢： ＄458見同事介紹尼間串燒好食於是放假去試☺️第一次玩自轉燒烤爐串燒，唔洗反嚟反去咁麻煩又唔會浪費氣力😂，而且自轉方式仲燒得比BBQ靚同均勻，方便又好玩！😝餐廳係放題式係任食任飲，有多款種類串燒，較特別嘅款式都有👍燒賣、雞蛋仔、棉花糖等等⋯食物選擇都算多，用QR code落單，一串串已經串好整齊排列放係木盤，個人推薦豬五花、台灣腸、波蘿、墨魚丸、魚肉年糕😋，睇住佢慢慢自轉都幾治癒☺️，對手唔洗點郁就有得食🤣係爽嘅😆，火力都幾猛幾快熟唔會燶，啱哂平時燒嘢食永遠都燒燶嘅手殘人士。另外仲有不同粉俾你灑上食物調味，一開頭要慢慢摸索，之後先搵到咩配搭先係最啱食嘅味道🙈如果打邊爐同食燒肉食到悶，同朋友仔食串燒飲嘢傾偈都係一個唔錯嘅選擇😚