Paul Lafayet (Moved) New Location

係v city完飯，之後去左市廣場行街。見到1/f 開左間Paul Lafayet 。之前都有係其他分店買過蛋糕同macaroon覺得蛋糕幾好食。所以今次想試下佢比較主打嘅creme brulee ，因為佢地係叫嗰時先燒D焦糖落去，幾得意，起碼吸引到唔少人睇。買左兩個mini Creme Brulee ，一個原味，一個earl grey 味。先講原味，滑度足夠，蛋味就不足，焦糖偏厚令整體太甜，蓋過原有僅餘嘅蛋香。而Earl Grey味，Earl Grey本身味道太強烈，完全令所有Creme Brulee 嘅味道盡失，但因為Earl Grey嘅茶味反而可以中和太多嘅焦糖甜味。但咁已經唔係食緊Creme Brulee 啦總括，原味一般，怕甜就唔好食啦，Earl Grey味唔知想點。不如用普通紅茶味仲好。有一樣野可以大讚，因為其實佢地既檔位，擺收銀既位置係好錯，搞到成日兩頭走，又要整雪糕或者Creme brulee ，又要收銀或者沖咖啡，但佢係咁辛苦既時候都仲好有笑容有禮貌值得一讚。