京都勝牛x TOKYO DOLCI (Closed)

呢日臨時俾同事約收工一齊去荃灣食飯，佢就揀左呢間。一入座，店員俾左近門口嘅位我地，但好快過左兩三分鐘，佢就話可以俾窗口卡位俾我地，所以我地就坐左過去。我就點左元祖炸牛排套餐，同事就點左泡菜辣雞鍋物。一上菜嘅時候，店員有同我講返裡面唔同汁係咩黎亦都有同我講返沙律菜係有無限添加~~我個元祖炸牛排其實D牛都算好熟下，唔駛再燒，但佢咬落都好juicy，又唔韌，牛味都有少少嘅，但可惜係佢出面個炸個粉漿唔夠脆，林左，感覺上唔係即炸咁。Overall連埋其他野食黎講都算幾飽，野食就不過不失啦，野食就有D偏貴，加埋一都要至少 $180 一個人。