Video
Read full review
2019-10-11
120 views
好耐無黎天水圍，今日黎到T Town 有令人眼前一亮既感覺：呢度既商店種類比前去過既商場（eg 銀座）多，人流亦較旺，相信呢度可以成為天水圍人既新蒲點。今晚突然想食台灣野，於是揀左呢間"九份。十分". 呢間店既裝修應該係走懷舊台灣風，特意做舊左d 牆身，放左d 好似學校既凳，加上店內播住既台灣流行曲，令我不禁回憶起自己既中學年代😂好幸運地被安排左坐卡位，guarantee 左一個幾好既用餐環境。qn開餐牌發現選擇都幾多價錢亦都好合理，本住星期五食好d 既精神我就嗌左以下幾樣野：🥢醉三小($88)呢個頭盤有齊醉鴨舌，醉雞同埋醉豬手，一次過滿足晒三個願望！鴨舌好入味，豬手以皮同埋軟筋為主，充滿骨膠原☺️最底仲有d 脆木耳 (雞就無乜特別）🥢台灣鹽酥雞($48)呢度既醫酥雞炸到脆而不油，加上餐廳提供左好多唔同既味粉比食客自選口味，令人不禁食完一粒又一粒，停唔到口。🥢紅燒牛肉面 ($65)呢碗牛肉面要大推！牛肉炆得又淋又入味，抵讚；面亦都好掛湯，充滿牛香；湯底亦都夠香濃。如果格硬要講一樣缺點就係配菜既白蘿蔔炆得唔夠入味，如果可以入味d 咁呢碗面就真係好完美喇。🥢綜合滷味肉燥飯 ($62)呢碗綜合
今晚突然想食台灣野，於是揀左呢間"九份。十分". 呢間店既裝修應該係走懷舊台灣風，特意做舊左d 牆身，放左d 好似學校既凳，加上店內播住既台灣流行曲，令我不禁回憶起自己既中學年代😂
好幸運地被安排左坐卡位，guarantee 左一個幾好既用餐環境。qn開餐牌發現選擇都幾多價錢亦都好合理，本住星期五食好d 既精神我就嗌左以下幾樣野：
🥢醉三小($88)
呢個頭盤有齊醉鴨舌，醉雞同埋醉豬手，一次過滿足晒三個願望！鴨舌好入味，豬手以皮同埋軟筋為主，充滿骨膠原☺️最底仲有d 脆木耳 (雞就無乜特別）
🥢台灣鹽酥雞($48)
呢度既醫酥雞炸到脆而不油，加上餐廳提供左好多唔同既味粉比食客自選口味，令人不禁食完一粒又一粒，停唔到口。
🥢紅燒牛肉面 ($65)
呢碗牛肉面要大推！牛肉炆得又淋又入味，抵讚；面亦都好掛湯，充滿牛香；湯底亦都夠香濃。如果格硬要講一樣缺點就係配菜既白蘿蔔炆得唔夠入味，如果可以入味d 咁呢碗面就真係好完美喇。
🥢綜合滷味肉燥飯 ($62)
呢碗綜合滷味真係可以一次過試到好多唔同種類既滷味(雞翼，蛋，豬大腸，鴨舌等等), d 肉燥既味亦都調得好好，用黎撈飯一流！
🍸星空奇遇鐵達尼 ($38)
呢杯其實係蝶戀花奇異果沙冰，佢既賣相特出之餘味道仲好清新，唔會太甜。重點係入面仲有真果肉，係金奇異果呀，抵飲！(士多啤梨果肉有點酸）
🍹綜合水果茶($52)
呢杯水果茶勁足料，熱愛生果既我夾左d 生果出黎食，d 蘋果同埋燈都好甜。比起我之前係咖啡弄飲既水果茶好飲同有heart 好多。不過飲到最後有d 甜，可能要撈多d 杯野
🍽總括而言，呢間小店真係好有驚喜，更加impressive既係呢度既staff 都好友善，仲會同d 食客閒話家常，今時今日咁既服務態度真係好難得。我同老公都覺得如果佢係我地屋企附近我地一定會成日幫襯～
Ps 天水圍有d 難泊車，我地星期五黎食周圍商場同埋屋邨停車場都full 晒，平日可能會好d.
Post
