松本日式料理放題

Open Now

Now Closed

咁多年都從來都唔出食評，今次真係忍無可忍要出啦。差評，絕對差評，永不再食。呢間食店做得越來越差，唔單止服務差，態度差，上菜速度都好差。一頭一個鐘先上兩盤刺身，仲要嚴重唔足數，點30片三文魚刺身，俾得你10片都唔夠。追又唔理，叫又唔應，唔怪得呢間食店長年做唔起。刺身質數好一般，大頭蝦強烈建議唔好食，個頭係黑色嘅，食落仲有沙。三文魚，油甘魚仲有雪味。帶子唔錯，赤貝可以，三文魚無雪味係OK的，有果句講果句。坐低左個半鐘先上得3盤刺身，然後走過黎話刺身係慢D，叫我點其他的，都點了還是好慢，連味付墨魚仔，呢D唔需要煮唔需要擺盤嘅，都要走單漏單。奉勸各位看官，慎重選擇，醒定D啦。