澳門丸記清湯腩王 (Moved) New Location

同朋友係附近落左堂，見呢間好似幾多人食，點知中伏左小伏。一開始落單果時侍應連有咩飲都唔知，可能新黎唔緊要啦。見枱面都幾整潔。沙薑雞王飯，有個雞湯跟翻，上枱果陣成碗湯可能太滿，淺曬落條褲到，又無人跟翻，呢點真係過份。個湯有少少油，不過都幾香雞味。個飯上面，雞的份量都算正常，肉都幾嫩滑，不過骨的比例真係較多，所以要經常吐骨，食得有少少麻煩，同埋沙薑味得面頭的皮有，所以肉有少少淡。而飯的份量女仔食會岩岩好，男仔可能唔係好夠，要加碟菜。呢堂的上菜速度係幾快，不過態度同份量真係要改善一下，會比較好。