Video
Read full review
2017-07-30
697 views
其實我真係唔慣係度寫食評，一黎係自己文筆唔好，二黎係我對食既要求唔高，主要都係睇同咩人食，但今次，我真係開心到決定即日登記帳號，讚一讚間食店！今日有兩位好朋友同我慶祝生日，本身以為出去行個圈食餐飯就算，結果令我好驚喜！驚喜位1.友善體貼：因為三個都唔係好識路天氣又熱，都搵左段時間，本身卜左七點半，最後因為搵路遲左到...老闆娘親切招呼我地，想我地坐得舒服啲就留左六個位既位置俾我地！仲即刻送上水俾我地飲下先！😀2.咖啡拉花：我好中意麥兜，朋友幫我問左店員可唔可以拉麥兜，店員話未拉過可以試下，如果唔得就拉番熊仔我地都ok, 結果見到佢好俾心機咁對住手機拉麥兜，我已經心諗，咁俾心機就算拉得唔好都唔緊要啦！！！同埋都有啲唔好意思要人拉麥兜😂結果...拉得超似超得意！！！3. 慶生環節：朋友話想食甜品，我個人唔係好中意食，但佢地話一係三個人叫兩件啦(加15蚊就有一件),咁我地就叫左藍莓芝士同紐約芝士蛋糕。突然，店員開始關燈，個下我以為可能佢地就黎關門所以開始熄燈啦(佢地收九點半，個陣差唔多八點半)...然後我望一望後面，見到朋友拎住隻碟上有蛋糕，個下心諗：咦，蛋糕要自己拎既！然後先見到有蠟燭同聽
今日有兩位好朋友同我慶祝生日，本身以為出去行個圈食餐飯就算，結果令我好驚喜！
驚喜位
1.友善體貼：因為三個都唔係好識路天氣又熱，都搵左段時間，本身卜左七點半，最後因為搵路遲左到...老闆娘親切招呼我地，想我地坐得舒服啲就留左六個位既位置俾我地！仲即刻送上水俾我地飲下先！😀
2.咖啡拉花：我好中意麥兜，朋友幫我問左店員可唔可以拉麥兜，店員話未拉過可以試下，如果唔得就拉番熊仔我地都ok, 結果見到佢好俾心機咁對住手機拉麥兜，我已經心諗，咁俾心機就算拉得唔好都唔緊要啦！！！同埋都有啲唔好意思要人拉麥兜😂結果...拉得超似超得意！！！
3. 慶生環節：朋友話想食甜品，我個人唔係好中意食，但佢地話一係三個人叫兩件啦(加15蚊就有一件),咁我地就叫左藍莓芝士同紐約芝士蛋糕。突然，店員開始關燈，個下我以為可能佢地就黎關門所以開始熄燈啦(佢地收九點半，個陣差唔多八點半)...然後我望一望後面，見到朋友拎住隻碟上有蛋糕，個下心諗：咦，蛋糕要自己拎既！
然後先見到有蠟燭同聽到朋友唱生日歌😂先回過神來！！！隻碟上有我個名同Happy Birthday!真係好靚！本身仲問我朋友要唔要播*恭祝你福壽與天齊*既歌？朋友話唔駛，佢最後播左首英文生日歌😂
其實人愈大，肯花心思俾驚喜你同你過生日既朋友真係唔多，所以我真係好開心，有間餐廳咁配合！！真係好感動！😭
誠意推介俾大家！
p.s. 1.間店有少少難行，係如心廣場對開個度既，地鋪黎既！
2. 朋友叫我打既：杯凍既白朱古力好好飲！好少見餐廳有依樣！值得推介！
3. 三個人最後食左二百零蚊都算抵食！
4. 中意食素或想間唔中食素既人都可以係依間搵到岩食既，我個人覺得芝士雜菜意粉幾好味！
最後，如果你睇晒依篇文，我都好想多謝你！因為我好長氣，又好想打得生動啲！多謝你哋睇完，有時間就去試下啦✌
56 views
0 likes
0 comments
Post
