盛八日式燒肉放題店 (Closed)

幫襯盛八多年，係老客戶。平均1-1.5個月總會黎一次盛八，但旺角盛八就係第一次幫襯。雖然旺角店地點好方便，但次次都因為唔同原因而去左銅鑼灣店或者尖沙咀店。尖沙咀店服務態度認真麻麻，銅鑼灣店就非常好，而呢間旺角店，傳聞中態度都係唔多掂，今日終於有機會一試。38廣場就喺雅蘭中心附近，都算幾易搵。一行入黎就見到大大個廣告牌。到三樓，𨋢門一打開已經見到熟識嘅招牌，又係你呀無論食咩時段，盛八都只會準時安排入坐，一分鐘也不能早。店內擺放左一隻隻限量版盛小牛，之前都攞過一次，之後都冇再攞，實在冇位擺 。食日式燒肉無可避免會比較大油煙，其實隻牛仔都黐晒油三款醬料已配備，準備開動送嘅特選澳洲和牛，一人一大片，油花均勻，牛味香濃，係好好食。只可惜一人得一片，冇得encore的~黑松露青森蘋果沙律，黑松露味獨特，食肉前先食一碗，可去燒肉嘅油膩感，同埋冇咁易肥。沙律蔬菜新鮮，可惜青蘋果只有兩小片。香草牛油大蘑菇，係每次必食之選，大蘑菇大隻兼厚肉，索盡香草牛油，勁正當然仲有無盡嘅肉同肉，要燒得快，雖然有兩個鐘，但時間好緊迫。最後梗係要食返個雪糕降降溫，盛八淇冰，其實係豆腐味雪糕，好重豆腐味。全晚店員態度都好好，