Video
Read full review
2022-09-04
872 views
今晚送完朋友後，已經比較夜，與老婆無奈只能在屋企附近搵食。見呢間新新地，冇試過，諗住試下。一試之下，頗為難忘。首先是服務。入店時看見有一張4人枱，幾處吧枱。4人枱未執，但吧枱已執干淨。我地諗住快可入坐。但門口男侍應話「出邊等先」（冇話要執枱）。咁我地諗可能要執4人枱俾我地。咁好坐的。於是老實係出邊等。然而係秋老虎熱風下，我地等左10分鐘，都唔見有人執枱。只見唯一男侍應行來行去落單。咁我地諗住人手唔夠問題，不足為怪啦，孰知呢個先卜係悲劇的開始。終於入到去。落單啦。有位姐姐來落單。好多刺身同壽司都冇。但佢都有心機，問我地一件定兩件。雖然佢心不在焉，大部分壽司兩件都變左落一件，但我要特別鳴謝佢。因為無論壽司定係刺身，質素都好一般。白身魚本身唔太新鮮唔係問題，呢的價位雪貨正常。我都預左。但全部解凍做得甚差。刀工唔評了。鰺同鯛魚毫無應有的基本甜度。赤身令人髮指。腥、解凍唔夠，有渣就唔好講了。大佬你唔係争鮮，有的過分了。最妙落單時，我要平目魚刺身，姐姐話只有平目魚背壽司。平目魚唔會有刺身。姑不論平目魚為何就冇刺身，你個menu大大隻字刺身下邊寫住平目魚又點解釋，實在耐人尋味。你隻來貨太cheap唔
首先是服務。入店時看見有一張4人枱，幾處吧枱。4人枱未執，但吧枱已執干淨。我地諗住快可入坐。但門口男侍應話「出邊等先」（冇話要執枱）。咁我地諗可能要執4人枱俾我地。咁好坐的。於是老實係出邊等。然而係秋老虎熱風下，我地等左10分鐘，都唔見有人執枱。只見唯一男侍應行來行去落單。咁我地諗住人手唔夠問題，不足為怪啦，孰知呢個先卜係悲劇的開始。
終於入到去。落單啦。有位姐姐來落單。好多刺身同壽司都冇。但佢都有心機，問我地一件定兩件。雖然佢心不在焉，大部分壽司兩件都變左落一件，但我要特別鳴謝佢。因為無論壽司定係刺身，質素都好一般。白身魚本身唔太新鮮唔係問題，呢的價位雪貨正常。我都預左。但全部解凍做得甚差。刀工唔評了。鰺同鯛魚毫無應有的基本甜度。赤身令人髮指。腥、解凍唔夠，有渣就唔好講了。大佬你唔係争鮮，有的過分了。
最妙落單時，我要平目魚刺身，姐姐話只有平目魚背壽司。平目魚唔會有刺身。姑不論平目魚為何就冇刺身，你個menu大大隻字刺身下邊寫住平目魚又點解釋，實在耐人尋味。你隻來貨太cheap唔夠肥拆唔到邊做刺身就不妨直講，教人食魚真係一絕。在下食咁多日料包括omakase. 呢個中低價位餐廳可以教客食魚，我都只能寫個服字。
最後最好係隻平價李白sake. 好彩隻酒救我一命。赤身同鯛唔係酒吞嚥真係有極大困難。淡而無味而多渣。
買單兩人870幾。唔係話要omakase咁。但呢個價我去食梅利登都得。唔使呢個價食爭鮮水平。其實咁睇，争鮮都唔差了。
Post