銀杏館-越老 (Closed)

越南野我不嬲都鍾意食，呢間裝修得好工業風嘅越南餐廳一直都好想試，咁岩今日行過油麻地梗係要去試一試，哩間越南餐廳有幾間分店，而我覺得裝修得最型就係哩間，聽講裏面嘅侍應都係上咗年紀嘅公公婆婆，真係好友噱頭未夠七點就已經上到去，侍應服務相當殷勤，絕對有禮貌過啲年輕嘅侍應，哩一點真係要高度表揚呢度有素食同埋肉色選擇既，我哋梗係每樣都嗌啲試吓，素三文魚青木瓜沙律，烤牛肉撈檬，素銀雪魚扎肉煎蛋飯同埋串燒首先嗰素三文魚好得意呀，感覺好似蒟蒻，不過無味既，木瓜沙律調果不錯！烤牛肉撈檬啲牛肉好大份喔，不過全部都好un喔，真係咬唔到喔嗰素銀雪魚嗰汁就有啲咸，原來哩舊係腐皮整成既假魚至於嗰串燒就係最好味既一碟啦！雖然今晚既菜式未話有驚喜，但係我絕對會黎幫襯多次試埋其他菜款，因為哩度座得舒服，服務態度又好好