羅勒印度餐廳 (龍尾村) (Closed)

之前係北角食過羅勒印度餐廳，都覺得非常好食，仲專登去食左2次。點知係大尾督竟然開左一間，所以一知道就即刻打電話去BOOK位。去度點知無咩人，因為好多人一入大尾督就食泰國野。咁呢間嘅餐牌同北角個間係有唔同嘅，呢間就無set for 2, set for 4，但就有單人set dinner。印式烤雞卷好大份，D烤雞仲係好滑。另外，我地亦叫左瑪沙拉羊配飯，D羊一D都唔蘇，D汁撈飯好正。最好食都係D薄餅，因為唔油而且味道唔太濃。Mango Lassi就有D酸。