Video
Read full review
2021-08-25
1031 views
深水埗呢兩年黎除左越開越多cafe🥜之外，呢個地區本身都有唔少糖水（甜品）舖🍧駐足，而本人每次去親深水埗都總有鋪癮想食返碗甜野🤣仲記得早係五、六年前係香港食到芋圓既糖水（甜品）舖無乜幾間，當時本人係 #康瑞甜品 既忠實粉絲，可惜近年佢既質素大不如前就好少再幫襯☹️ 到訪當日臨時係街上搜尋附近糖水（甜品）舖📱，見到呢間甜品店💛既冰烤紫薯雪糕系列幾吸引就去食👀.甜品店店內仿照港式大排檔格局，令人恍如置身係8、90年代中，充滿懷舊既味道雖然小店有供應近年大熱既芋圓同仙草，不過佢地賣既主要都係傳統中式/港式糖水，如果要窩夫🧇、心太軟🍫同班戟🥞等西式甜品，呢度就食唔到啦～🙈.係介紹食物之前，都想同大家分享返本人當日既體驗😩本來去糖水（甜品）舖食甜品都係求快樂，唔會要求要d乜野服務，然而店內有位男店員🧑🏻🦱既服務態度連最基本既都做唔到，真係令人不敢恭維🙄話說當日呢位男店員埋黎落單後返去收銀處寫單✍️，之後就將張單係旁邊飛落黎我地檯，令我地有種被掟單既感覺，感覺唔係太好😓坦白講，黃店並非等於有免死金牌，如果係唔好食、服務態度差👎🏻既，就算幾黃💛都唔會留得住同路人😠*******************
深水埗呢兩年黎除左越開越多cafe🥜之外，呢個地區本身都有唔少糖水（甜品）舖🍧駐足，而本人每次去親深水埗都總有鋪癮想食返碗甜野🤣仲記得早係五、六年前係香港食到芋圓既糖水（甜品）舖無乜幾間，當時本人係 #康瑞甜品 既忠實粉絲，可惜近年佢既質素大不如前就好少再幫襯☹️
到訪當日臨時係街上搜尋附近糖水（甜品）舖📱，見到呢間甜品店💛既冰烤紫薯雪糕系列幾吸引就去食👀
.甜品店店內仿照港式大排檔格局，令人恍如置身係8、90年代中，充滿懷舊既味道
雖然小店有供應近年大熱既芋圓同仙草，不過佢地賣既主要都係傳統中式/港式糖水，如果要窩夫🧇、心太軟🍫同班戟🥞等西式甜品，呢度就食唔到啦～🙈
.
係介紹食物之前，都想同大家分享返本人當日既體驗😩
本來去糖水（甜品）舖食甜品都係求快樂，唔會要求要d乜野服務，然而店內有位男店員🧑🏻🦱既服務態度連最基本既都做唔到，真係令人不敢恭維🙄
話說當日呢位男店員埋黎落單後返去收銀處寫單✍️，之後就將張單係旁邊飛落黎我地檯，令我地有種被掟單既感覺，感覺唔係太好😓
坦白講，黃店並非等於有免死金牌，如果係唔好食、服務態度差👎🏻既，就算幾黃💛都唔會留得住同路人😠
******************************
✨仙草紫草園💜 ($38)
冰烤紫薯雪糕系列一共有3款，除左呢款以仙草為主既仙草紫草園，另外仲有愛玉紫玉園同豆花紫花園，3款甜品名充滿仙氣🧚🏻♀️
3款甜品既配料都略有不同，而呢款仙草紫草圓就有雪糕、芋圓、地瓜圓、仙草、黑糖水晶同紅豆
仙草食落滑捋捋唔會好似食緊龜苓膏咁爽口，仙草應有既口感做到但就無仙草味；芋圓地瓜圓口感都算煙韌，可惜同樣食唔到各自既味道😥
紅豆煮得夠腍唔會過爛，黑糖水晶就無乜特別；對於個人而言成碗甜品既重點其實係個球紫薯雪糕🍨(順帶一提茶控客人🍵可選擇轉換新口味既玄米茶雪糕🙆🏻♀️)
紫薯雪糕口感綿滑唔會有雪感❄️，不過亦因為咁會比較易溶💦，食既速度要快😆
雪糕裡面有唔少粒粒紫薯肉，食起上黎幾有口感👅，不過個人覺得紫薯粒既纖維口感同甜甜地既味道唔知點解好有食緊菠蘿肉🍍既錯覺🤣
-
✨叁元豆花 ($35)
呢碗叁元豆花有豆腐花、芋圓、地瓜圓、黑糖珍珠、紫薯西米同埋四選一既配料，可以揀香草雪糕🍦/愛玉/芒果🥭/紅豆，我地當日就揀左愛玉🤗豆腐花食落並無豆味，芋圓同地瓜圓係前款提及過就唔再重複
珍珠好大陣黑糖味，口感方面就正常發揮👌🏻
紫薯西米只係紫色🟣既西米，食落無紫薯味🍠，質感亦偏腍可以話係無口感可言😥
最特別既莫過於係舊愛玉，帶有好大陣檸檬味，感覺好似洗潔精……..🥴
******************************👧🏻人均消費：$37
😋味道指數：2.8/5
💰抵食指數：3.8/5
🪑環境指數：3.8/5
💁🏻♀️服務指數：2.5/5
👍🏻再訪指數：1/5
-
📍深深甜品
地址：深水埗桂林街46號恆安樓地下C舖
⏰營業時間：15:00–00:00 (Mon–Sun)
Post
