Video
Read full review
2022-05-13
391 views
今次係第二次係度叫外賣速遞，唔係特別好食，但因為屋企老人家想食中菜，選擇小之下先至選擇呢間。原本今日是假期，所以諗住趁早叫外送晚餐，我哋下午2:30叫咗五道晚飯小菜，點知手快快撳咗落單，但未有選擇送餐時間，但9秒9後發現已經即刻打俾好日子同佢講唔好意思同更改送餐時間到七點，但佢電話中態度奇差，當中餐廳換左三個人聽電話去用非常重嘅語氣鬧我地落錯單，咁最後佢話未開始煮可以更改送餐時間，仲叫我哋自己去打返俾速遞平台搞番掂，咁我哋就即刻打俾速遞平台同佢哋在線客服講返更改送餐時間，搞咗一輪都順利完成。🥵之後，去到18:40左右諗住睇吓送到邊度，點知平台顯示已更改嗰張單取消咗，個原因係話地區速遞員不足！我哋即刻打俾好日子問返係唔係取消咗張單，跟住好日子又係用極其差嘅態度同我哋講取消咗！ 🤬第一，我哋一開始已經同佢地講唔好意思撳錯掣，問佢開始煮未，(原本我哋諗住如果當時煮咗出咗菜我哋都會照俾錢照繼續算，但咁樣俾佢地圍插完真係一肚氣！）佢啲員工態度真係極其差！唔係話顧客永遠是對的，但好確定我哋已經好有禮貌咁同佢地講話要更改張單嘅時間，佢哋重語氣重不特止，仲要我哋自己再同返速遞平台再處理多一次個手續，啲
原本今日是假期，所以諗住趁早叫外送晚餐，我哋下午2:30叫咗五道晚飯小菜，點知手快快撳咗落單，但未有選擇送餐時間，但9秒9後發現已經即刻打俾好日子同佢講唔好意思同更改送餐時間到七點，但佢電話中態度奇差，當中餐廳換左三個人聽電話去用非常重嘅語氣鬧我地落錯單，咁最後佢話未開始煮可以更改送餐時間，仲叫我哋自己去打返俾速遞平台搞番掂，咁我哋就即刻打俾速遞平台同佢哋在線客服講返更改送餐時間，搞咗一輪都順利完成。🥵
之後，去到18:40左右諗住睇吓送到邊度，點知平台顯示已更改嗰張單取消咗，個原因係話地區速遞員不足！我哋即刻打俾好日子問返係唔係取消咗張單，跟住好日子又係用極其差嘅態度同我哋講取消咗！ 🤬
第一，我哋一開始已經同佢地講唔好意思撳錯掣，問佢開始煮未，(原本我哋諗住如果當時煮咗出咗菜我哋都會照俾錢照繼續算，但咁樣俾佢地圍插完真係一肚氣！）佢啲員工態度真係極其差！唔係話顧客永遠是對的，但好確定我哋已經好有禮貌咁同佢地講話要更改張單嘅時間，佢哋重語氣重不特止，仲要我哋自己再同返速遞平台再處理多一次個手續，啲態度真係值得表揚！
第二，點解取消咗張單唔通知客人？重用外送員不足呢個理由，我哋即刻用同一個平台再去第二間同一地區嘅餐廳點左單，都即刻可以完成。一開始我哋已經留咗姓氏同電話，平台錢又扣咗，我哋等到約定時間都未見有嘢食，咁如果我哋唔自動自覺去查咪唔會知道取消咗張單，咁等到幾點先知？又要再叫其他外賣，要等到幾點先有飯食？
一間好嘅餐廳應該係食物同埋服務質素都要兼顧好，呢間食物唔係特別好食，但係態度就真係特別差，如果大家身痕嘅話可以去試吓。
Post