Video
Read full review
2022-12-14
494 views
老公話至少叫連鎖，差極有限，就行咗入去。一入去，無人招呼，之後行入啲，水吧就叫我哋坐窗邊位，咁我哋見佢窗邊咁多位，咪諗住行入少少。行到一半，有個人叫我哋坐第一張枱，話入邊要清潔。去到第一張枱，都未清潔未擺位。之後有個人沖上黎放低個餐牌，要我開口佢先拎塊布黎抹枱。叫餐，睇佢右上角嗰部分，真係無辦法憑個菜名聯想到我到底叫咗之後有咩食。真係要逐樣問，然後個waiter 好似要諗返佢有啲咩咁，數下錯下再數下😅飲品好似包咗比你咁，但其實無得揀，得紅茶/齋啡，紅茶佢話係柑桔檸檬茶，但原來全部都係糖水，走甜就淨係得紅茶，檸檬都無一片，一片檸檬幾多錢成本啫？最後叫咗墨西哥手撕豬肉三文治同班尼迪水煮蛋。另外加咗一個Cajun Wing +沙律。先上湯，我知今日12度，但碗湯黎到連暖都叫唔上。味道正常，但凍嘅湯真係無好感。墨西哥手撕豬肉三文治就夠熱啦，麵包都煙韌，面煎得香脆，配醃咗嘅瓜同洋蔥。少少辣，幾好食。班尼迪水煮蛋，黎到得個火腿係熱嘅，其他都凍嘅⋯要個包熱唔通真係咁難？😅同埋佢把刀，真係切唔開個包🙃切到手軟🙃既然你哋專做三文治同飽，可唔可以整把好啲嘅麵包刀比客人用？仲要兩隻蛋都穿嘅🥲唔通而家啲班尼迪
一入去，無人招呼，之後行入啲，水吧就叫我哋坐窗邊位，咁我哋見佢窗邊咁多位，咪諗住行入少少。
行到一半，有個人叫我哋坐第一張枱，話入邊要清潔。
去到第一張枱，都未清潔未擺位。
之後有個人沖上黎放低個餐牌，要我開口佢先拎塊布黎抹枱。
叫餐，睇佢右上角嗰部分，真係無辦法憑個菜名聯想到我到底叫咗之後有咩食。
真係要逐樣問，然後個waiter 好似要諗返佢有啲咩咁，數下錯下再數下😅
飲品好似包咗比你咁，但其實無得揀，得紅茶/齋啡，紅茶佢話係柑桔檸檬茶，但原來全部都係糖水，走甜就淨係得紅茶，檸檬都無一片，一片檸檬幾多錢成本啫？
最後叫咗墨西哥手撕豬肉三文治同班尼迪水煮蛋。
另外加咗一個Cajun Wing +沙律。
先上湯，我知今日12度，但碗湯黎到連暖都叫唔上。
味道正常，但凍嘅湯真係無好感。
餐湯
4 views
0 likes
0 comments
墨西哥手撕豬肉三文治就夠熱啦，麵包都煙韌，面煎得香脆，配醃咗嘅瓜同洋蔥。
少少辣，幾好食。
墨西哥手撕豬肉三文治
$98
18 views
0 likes
0 comments
班尼迪水煮蛋，黎到得個火腿係熱嘅，其他都凍嘅⋯
要個包熱唔通真係咁難？😅
同埋佢把刀，真係切唔開個包🙃
切到手軟🙃
既然你哋專做三文治同飽，可唔可以整把好啲嘅麵包刀比客人用？
仲要兩隻蛋都穿嘅🥲
唔通而家啲班尼迪蛋興穿嘅？🤣
班尼迪水煮蛋
$98
14 views
0 likes
0 comments
雞翼就似茶記雞翼，無Cajun 味，太油，炸皮太厚，沙律正常，分量正常
Cajun Wing w/ Cole Slaw Salad
$48
13 views
0 likes
0 comments
齋啡上到枱，比大家睇吓個碟底
完全係個waiter 手震😂
最後就係，我第一次飲espresso 個底啲渣多到好似飲我媽煲嘅苦茶咁😂
比大家笑下😂
Post
