米線陣 (海富中心)

Open Now

Now Closed

第一次遇到服務態度非常惡劣嘅體驗，平日都會食米線陣，因為男朋友話喜歡食佢個大汗豬扒，曾經去銅鑼灣分店，態度非常好，所以對佢印象都唔錯。但今日我真係忍唔住要留個comment去批評下，7點黎個晚飯，無人企門口又見到吉枱就自然行入去諗住坐低，點知一行入門口就大叫我地去拎飛，但過幾秒又叫哂幾張枱嘅飛，但又唔係有人帶位，都唔知叫人拎飛做咩。週末比較多外傭姐姐，連續幾枱姐姐都俾佢哋鬧，最過分人哋幾枱客都叫個好似過橋米線share，又無拎碗仔俾人，就叫人出去自己拎，幾個客自己係餐廳搵隻碗，然後隔離枱個外傭姐姐想要隻叉，就自己行去隔離枱拎，個職員竟然鬧佢點解唔話佢聽，話個餐具盤係for第二日早餐，你咁樣做會令佢做多咗野，個外傭姐姐嚇到講sorry又話no next time，真係好過份囉。雖然佢係外傭姐姐，但都係客人，岩岩叫人自己去拎碗，轉頭又鬧人自己去拎叉，我坐喺隔離都忍唔住望多幾眼。有留意到佢哋對外傭姐姐態度特別差，人哋問咩都係用不屑嘅咀臉，就算人哋岩岩行入餐廳，都會用唔耐煩嘅語氣同人講嘢，我見幾枱客人都非常不滿。到我地離開，就見到個牌寫住ABM嘅女職員，一邊食住對面KFC個葡撻一邊同我哋收錢。