明星海鮮酒家

Open Now

Now Closed

真係不吐不快，星期日本來諗住開開心心一家人食飯，點知食到一肚氣。我哋一行10人，晚上7:30到達酒樓後，諗住叫待應點菜，點知D待應好似睇你唔到咁,有的掛住執枱，有的行來行去，完全無視客人，但當時係好多吉枱，唔係繁忙。紀經幸苦才截停到個待應幫我哋落單，我哋叫了10個小菜，上菜後發現有個小菜嚟錯咗，之後我哋睇吓張單，發現原來有2個菜落錯單，於是我哋叫待應過來問吓，點知又係當你透明，見你舉高隻手就個個寧歪塊面行咗去，終於剛才落單那個待應見到我哋，點知佢又叫另一個待應過來睇吓我哋咩嘢事，都唔緊要，但這個待應竟然掉頭走咗，而之前那個待應亦都沒有理會我們，真係火都嚟，跟住我哋再截停另一個較高级嘅過嚟向佢投訴，點知佢一句唔好意思都冇，重質疑我哋落單時係咪講錯no。之後佢幫我哋改返2個菜，我又發現張單沒有取消之前錯咗嗰個菜，好彩有睇吓張單啫，唔係比佢收多錢。這間酒樓，食物已經唔係好好食，條魚蒸到過咗火，其它菜不過不失，但服務態度如此差劣，難怪星期日食飯時間都咁多吉枱。以後都唔會再幫襯。😡