点心代表 (Closed)

星期日諗住帶小朋友去點心代表試吓蠟筆小新造型點心，訂咗12pm,準時到達都要等多10分鐘，入到去原來唔係冇位而係冇人手去執枱。坐低差唔多20分鐘，叫極侍應都係同一句回應"等一陣"，等完又等冇人有回頭，其實佢地仲話繁忙時間只限60分鐘，咁真係未食都走得啦。最後捉着一位女侍應叫佢開茶，劈頭回應 "咁你要乜茶至得呀" ，我當堂O晒嘴，ok，都算，咁我話要壽眉，佢仲要趷我話得普洱水仙，咁點解唔直接問我要普洱定水仙，當堂火都嚟理，忍唔住話佢，不過當我唱歌行咗去。之後食物嚟到，小新造型賣相都可接受，$49食籠流沙包，係價錢略高但都可以理解。其他一般點心味道都不過不失 ，等候時間都唔算耐，最後埋單走人，出門口先見到張單印住滿$300送小新杯墊，居然扮儍唔比我，好彩發現入去問佢攞番。總括嚟講，呢間食肆食品ok，服務態度極度差劣，去一次影相打卡都算，否則去唔去都擺。**其間見到一個小插曲，有一位伙計負責企類似水吧既地方，負責分廚房點心上盤，佢唔小心跌咗張單落地下，佢向一位抱著bb行過既女士揮手，指向地下，全程不發一言，果位女士仲以為自己跌野，之後知道張單後位女士直接講佢唔會有手幫你執囉，如果呢位伙計係聾