Video
Read full review
2021-11-06
1996 views
裝修採取祖紅色為主，以金色作點綴，有啲似fine dining，連餐具都係暗金色，口罩袋又厚又燙金。服務非常好，細心主動，上湯嘅時候我講咗句”哎喲食晒啲麵包冇得配湯”，侍應主動提出俾多塊麵包，上菜嘅時候問係唔係share食，再俾多兩個碟，而且收碟收餐具都問清楚。*餐前麵包每枱每款麵包都唔同，都烘熱烘脆咗，可以配牛油食。左邊係藍莓麵包，甜甜地，右邊係法包，鬆軟但氣孔太少。意式雜菜湯 (跟餐+$78)雜菜湯永遠冇得輸，蕃茄湯底微酸，大量紅蘿蔔粒西芹粒，煮腍晒而且清甜，仲有幾粒帶坑紋通心粉。三文魚薄片刺身配檸檬刁草汁 (跟餐+$78)份量比想像中少，有五小片。三文魚唔似壽司刺身嘅軟滑，質感比較似煙三文魚，比較實肉，而且冇筋。檸檬刁草汁係三文魚最佳拍檔，質地順滑creamy，刁草(dill)味道比檸檬強，但唔會蓋過三文魚嘅味道。卡邦尼手工意粉 $158正宗卡邦尼材料簡單，Guanciale(風乾豬頰肉)+蛋黃+Pecorino Romano(羊奶芝士)。呢個卡邦尼做到一半，用咗風乾豬肉、蛋黃、硬芝士做汁，一啲忌廉都冇落，蛋黃香濃，令意粉呈金黃色，芝士味道似牛奶多過羊奶味，都不欠奶香鹹香風味。手
*
餐前麵包
每枱每款麵包都唔同，都烘熱烘脆咗，可以配牛油食。左邊係藍莓麵包，甜甜地，右邊係法包，鬆軟但氣孔太少。
餐包
7 views
0 likes
0 comments
意式雜菜湯 (跟餐+$78)
雜菜湯永遠冇得輸，蕃茄湯底微酸，大量紅蘿蔔粒西芹粒，煮腍晒而且清甜，仲有幾粒帶坑紋通心粉。
意式雜菜湯
8 views
0 likes
0 comments
三文魚薄片刺身配檸檬刁草汁 (跟餐+$78)
份量比想像中少，有五小片。三文魚唔似壽司刺身嘅軟滑，質感比較似煙三文魚，比較實肉，而且冇筋。檸檬刁草汁係三文魚最佳拍檔，質地順滑creamy，刁草(dill)味道比檸檬強，但唔會蓋過三文魚嘅味道。
三文魚薄片刺身配檸檬刁草汁
16 views
0 likes
0 comments
卡邦尼手工意粉 $158
正宗卡邦尼材料簡單，Guanciale(風乾豬頰肉)+蛋黃+Pecorino Romano(羊奶芝士)。呢個卡邦尼做到一半，用咗風乾豬肉、蛋黃、硬芝士做汁，一啲忌廉都冇落，蛋黃香濃，令意粉呈金黃色，芝士味道似牛奶多過羊奶味，都不欠奶香鹹香風味。手工意粉粗幼啱啱好，掛汁份量啱啱好，口感比普通盒裝意粉更煙韌帶勁，但意粉份量唔多。
卡邦尼手工意粉
$158
24 views
0 likes
0 comments
伊比利亞豬下巴香蒜辣椒意粉
$138
32 views
0 likes
0 comments
伊比利亞豬下巴香蒜辣椒意粉 $138
原本以為豬下巴係肉片肉塊，但原來係風乾豬下巴切粒，非常鹹，而且香味欠奉。意粉彈牙，但唔係手工意粉，質素普通。蒜香強烈，帶清新嘅辣味，可惜醬汁太油膩，用油太進取，而且乳化醬汁做得唔夠均勻，令底碟都係油。
Post
