Video
Read full review
2019-08-07
2814 views
早年都同同事食過好幾次, 唔知果陣係我地人多去食, 定係餐廳轉咗員工o既關係, 今日o既服務差咗勁多！！今日我地 3 個女仔去食, 白衫四眼疑似經理o既 Reception 帶位, 我地因為驚食唔晒, 同埋又唔見有寫話要咩最低消費一人一鍋 o既字眼, 所以分別叫咗 2 個大 Set 3 個人 share (一個 HKD155, 一個HKD115, Total 埋單HKD297, 最後都係剩返大半個鍋烏冬+2件天婦羅+半個雪糕食唔晒)我地 12:15pm 落單, 啱啱叫完野食無耐, 我立耳聽到個白衫四眼疑似經理响 Reception 位置同個落單同事講, 話要叫人頭餐, 咁我地都打算如果餐廳一定要叫一人一鍋o既, 我地咪照加個魚生飯囉～點知落單同事只係走埋黎問我地仲有冇野要嗌, 冇就幫我地收走個 menu, 咁我地梗係唔嗌啦, 因為根本都知道食唔晒。野食到咗, 食咗一陣, 我已經見到果個白衫四眼疑似經理响度眼望望, 跟住食咗一半, 果個白衫四眼疑似經理就走埋黎, 態度勁差咁大大聲咁同我地講: 就行咗去！嗌都嗌唔住咁即係擺明趕客啦！！！大佬, 你帶位+落單+再返o黎拎 Menu 果陣又冇講
今日我地 3 個女仔去食, 白衫四眼疑似經理o既 Reception 帶位, 我地因為驚食唔晒, 同埋又唔見有寫話要咩最低消費一人一鍋 o既字眼, 所以分別叫咗 2 個大 Set 3 個人 share (一個 HKD155, 一個HKD115, Total 埋單HKD297, 最後都係剩返大半個鍋烏冬+2件天婦羅+半個雪糕食唔晒)
我地 12:15pm 落單, 啱啱叫完野食無耐, 我立耳聽到個白衫四眼疑似經理响 Reception 位置同個落單同事講, 話要叫人頭餐, 咁我地都打算如果餐廳一定要叫一人一鍋o既, 我地咪照加個魚生飯囉～點知落單同事只係走埋黎問我地仲有冇野要嗌, 冇就幫我地收走個 menu, 咁我地梗係唔嗌啦, 因為根本都知道食唔晒。
野食到咗, 食咗一陣, 我已經見到果個白衫四眼疑似經理响度眼望望, 跟住食咗一半, 果個白衫四眼疑似經理就走埋黎, 態度勁差咁大大聲咁同我地講:[其實我地要叫一人一 Set o嫁, 不過今次就算啦, 同埋你地呢張係4人枱o黎o嫁, 而家 Lunch 時間好多人等緊位, 拜托拜托！] 就行咗去！嗌都嗌唔住
咁即係擺明趕客啦！！！大佬, 你帶位+落單+再返o黎拎 Menu 果陣又冇講話有最低消費+要求我地再叫多份野食, 又冇講話有限時食幾耐, 我地鬼知咩！！大佬！我地12:15pm 落單, 12:25pm D 野食到, 12:50pm 只係食咗都冇 30mins 你走o黎趕客！！？你真係冇野呀！？出面其他餐廳最低限度都食 1-1.5hrs 至交枱啦下嘛！？你呢間係快餐店o黎o嫁！？！？得果 30mins 食飯時間, 你早響吖, 我可以唔黎家嘛！！
同埋我真係好想知, 3 個人唔坐 4 人枱坐咩！？輪流坐大脾！？定係 3 個人輪流坐 2 凳？！同埋, 張枱係你自己安排俾我家嘛！！家下我迫你o嫁！？都忽忽地ｏ嫁！！！
跟住我地嬲嬲地冇理佢, 繼續食, 佢又係倩女幽魂咁飄黎飄去, 眼望望幾次, 跟住仲埋黎伸手想收我地 D 野！我地即刻捉返住個盤, 話我地仲食緊, 未食完, 佢至肯走。大佬呀！你唔係盲o嫁下嘛？睇住我地仲食緊, 都居然埋黎收！？之後仲係咁趕其他枱o既客走, 仲大大聲喝 D 員工, 快 D 去收邊邊個張枱 D 食物, 真係冇禮貌到一個點呀！！
最好笑係, 佢地係咁吹吹吹吹吹o既底下, 突然送上 2 個雪糕甜品........... 咁你吹乜野啫！？食雪糕唔駛時間o嫁？！
最後佢地 13:06pm 出埋張單俾我地埋, 真係你老 X ......... 佢 D 野食係 OK, 但係咁o既服務態度真係搵鬼去啦！！！ 劣評呀！！！！！
Post