西貢咖啡餅店

Open Now

Now Closed

一直聽朋友講西貢菠蘿包好出名，一於就試下係咪真係咁堅。星期日黎到，出面已經排左條人龍。由於我地行街都行到好攰，所以想搵個位坐下。原來如果要坐入面既話要$20低消。唔緊要啦，真係攰到想坐😂😂😂😂哇，個菠蘿包真係好正，朋友果然冇介紹錯👍🏻個皮係脆, 仲要好香牛油味，但食落又唔會油。個包好軟熟，口感一流。配埋杯野飲真係好寫意既下午茶😊不過由於人太多，所以都唔好意思坐太耐，又急急腳咁走左啦。下次都會再黎食，排隊都唔緊要啦。