Video
Read full review
2017-01-16
1101 views
曾經紅極一時的BURGEROOM，係銅鑼灣店的時候，小妹都試過排長龍去食，排成粒鐘你問我值唔值，我會答你築地5粒鐘都係咁多人排，一定有原因的，更何況呢間真係我食過頭3位最好味又創新的BURGER，終於，我呢個九龍人等到佢黎九龍開分店，唔洗過海都有得食嚕尖沙咀分店比起銅鑼灣店大得多，空間感十足，走型格路線，好岩同朋友黎食野傾計食物同我2年前係銅鑼灣店食時多左少少款，多款創意BURGER，我樣樣都想食，真係好難揀呀，選擇困難症又出現了，哈哈呢度係半自助形式，自己出去收銀叫野食同自己倒水，旁邊有飲品可以即時揀埋，俾完錢就會俾部機你拎番位，就可以坐定定等店員拎野食俾你食啦Kiwifruit Juice ($38)呢排有少少熱氣，就叫左杯維他命C豐富的奇異果汁飲，奇異果汁係新鮮果汁，飲到加左少少糖水去中和酸度，但又唔會太甜，杯野杰杰地咁，真材實料Hoki Fish Egg Burger ($95, + Cheese $10)個人認為BURGER點都要有芝士的，所以就另加了，魚柳包係集團式餐廳由細食到大，呢度的分別就係材料靚得多，魚是鱈魚扒，無厚厚的脆醬，咬落係厚實的魚肉，蛋亦都係厚厚的一大舊，再
尖沙咀分店比起銅鑼灣店大得多，空間感十足，走型格路線，好岩同朋友黎食野傾計
食物同我2年前係銅鑼灣店食時多左少少款，多款創意BURGER，我樣樣都想食，真係好難揀呀，選擇困難症又出現了，哈哈
呢度係半自助形式，自己出去收銀叫野食同自己倒水，旁邊有飲品可以即時揀埋，俾完錢就會俾部機你拎番位，就可以坐定定等店員拎野食俾你食啦
Kiwifruit Juice ($38)呢排有少少熱氣，就叫左杯維他命C豐富的奇異果汁飲，奇異果汁係新鮮果汁，飲到加左少少糖水去中和酸度，但又唔會太甜，杯野杰杰地咁，真材實料
Hoki Fish Egg Burger ($95, + Cheese $10)個人認為BURGER點都要有芝士的，所以就另加了，魚柳包係集團式餐廳由細食到大，呢度的分別就係材料靚得多，魚是鱈魚扒，無厚厚的脆醬，咬落係厚實的魚肉，蛋亦都係厚厚的一大舊，再加上軟綿綿的包，實在係水準之作，同我2年前係銅鑼灣食一樣咁高質，亦同兩年前一樣，由於BURGER實在太有份量，我係唔可能一口由頂咬到底，最後都係用刀叉食
Guacamole Cheese Fries ($62)薯條係粗薯條，仲係熱辣辣即叫即炸，薯條面層有大量牛油果醬加芝士，一睇都知邪惡，但愈邪惡就愈好味~~ HAHA~ 平時食芝士薯條食到中段成日都會已經唔夠醬沾，今次完全無呢個問題出現，每條薯條都包保可以沾上足夠芝士同牛油果醬，令我食完一條接一條
係尖沙咀咁方便，對我黎講又唔洗過海，環境又比銅鑼灣大同舒服，相信我好快又會番轉頭食
Post
