Video
Read full review
2010-11-08
27 views
好期待的生日飯自小已經成日黎呢度食飯. 以前仲細, 見到片皮鴨, 賽螃蟹好開心, 有時什至同屋企人去食午飯. 好懷念呢度舊式京菜菜式,所以我今年生日要求了黎呢度慶生! D侍應哥哥已經變曬伯伯咁滯, 我相信大部份都係做左好多年的伙計. 賽螃蟹從來無失望過的一款菜式! 出面其他地方食到的同呢度真係好唔同, 見到出面有時會加雜豆, 好好笑. 什至有其他朋友話點解賽螃蟹無蟹在內 無言!!其實賽螃蟹起源本身都幾多個版本, 相傳清朝慈禧太后愛食螃蟹, 但因為京城位處遠離海洋, 螃蟹供應著實不易. 某日太后突然想食螃蟹, 御廚一時之間又無辦法周羅到, 唯有靈機一觸, 用蛋白同黃魚一齊大火炒, 扮係螃蟹的一道菜. 誰知道太后一食傾心, 自此流落民間, 成為京城名菜. 真實性無從稽考,但係確實對於唔食得蟹的我, 真係一個好方法去品嘗可以同真螃蟹比賽的賽螃蟹!! 加埋蟹醋, 真係幾可亂真
賽螃蟹
從來無失望過的一款菜式!
出面其他地方食到的同呢度真係好唔同, 見到出面有時會加雜豆, 好好笑. 什至有其他朋友話點解賽螃蟹無蟹在內 無言!!
其實賽螃蟹起源本身都幾多個版本, 相傳清朝慈禧太后愛食螃蟹, 但因為京城位處遠離海洋, 螃蟹供應著實不易. 某日太后突然想食螃蟹, 御廚一時之間又無辦法周羅到, 唯有靈機一觸, 用蛋白同黃魚一齊大火炒, 扮係螃蟹的一道菜. 誰知道太后一食傾心, 自此流落民間, 成為京城名菜. 真實性無從稽考,但係確實對於唔食得蟹的我, 真係一個好方法去品嘗可以同真螃蟹比賽的賽螃蟹!! 加埋蟹醋, 真係幾可亂真!
[雞絲粉皮
細個食佢時, 會好開心. 原因係有芝麻醬! 大個左食番, 都係為左芝麻醬同下面的粉皮. 呢個係凍盤, 有青瓜絲, 雞絲同粉皮在內, 食用時撈下佢.可以想像新年時呢個菜式都會有好多人叫, 好意頭丫MA, 撈起撈起! 清新的冷盤小食!
小籠包
小籠包大家都唔會陌生. 印象中, 小籠包都係要趁熱食, 入面包住個淡湯宋凍前食係最好, 但又唔想燙口. 要食好野係要有少少犧牲! 呢款我承認佢個皮係有點厚, 唔知係個晚唔好彩定係點. 但個湯係好清, 肉亦都搓得好好, 有D彈牙! 真係美中不足係個皮, 唉!
酸辣湯
酸辣湯顧名思義係又酸又辣的湯, 自小已經嗜愛酸辣湯! 應該係因為家人由細帶我黎食帶到大! 欣賞佢呢度材料足, 有豆腐絲, 木耳絲, 酸辣恰到好處! 唔會太辣, 怕辣朋友唔駛驚!
上湯火腿絲津白
金華火腿絲配津白, 主角我覺得係金華火腿絲! 真係好有咸香, 好正!! 津白濕熱, 少食為妙. 哈哈
叉子燒餅配榨菜肉鬆
叉子燒餅配榨菜肉鬆, 我好鍾意要自己動手的菜式. 例如生菜包同埋呢個叉子燒餅配榨菜肉鬆! 榨菜肉鬆有點咸, 入落去個鬆脆滿佈芝麻的叉子燒餅真係好夾! 點菜時要留意, 一個叉子燒餅即係有2個"袋", 落太多小心食唔曬! 雖然有點兒油膩, 但係好鍾意佢咁惹味...諗起仍然垂涎欲滴!
大家都應該有心理準備, 食前一定要訂座. 不過訂左座有時都要係咁易等一等! 座位真係如其他朋友所講, 好逼, 枱同枱相隔唔係太遠, 每碟菜不用花太多時間便全部擠到你面前! 一早知道左咁樣情況到時去到唔好又話人地點樣點樣, 係你自己揀既!
不過都係果句, 好好味! 多謝曬呢餐生日飯!!
Post
