老虎冰室

Open Now

Now Closed

話說收工搵埋老友係屯門食晚飯，睇資料呢間老虎冰室入選左做熱點餐廳，咁利害就一於黎試下。而家d新式冰室同傳統既冰室完全係兩樣野黎，新式冰室主打都係特色食物較多，同環境比較舒適，呢間老虎冰室都唔例外，當然價錢都會比一般茶餐廳略貴一點。老火湯今日我地叫左小菜黎試，小菜已包白飯同老火湯，先黎老火湯係無味精既，都算唔錯，不過就無乜湯料。蜜桃拔絲炒雙球雙球我地以為係雞球同班球，黎到先知係蝦球同魚柳，蝦球就咁加d炸粉炸下，做法有d hea，又炸得唔靚，魚柳就普通野，成道菜主要係甜味，比咕嚕肉更甜d，當然都睇到唔拔絲既效果啦，成道菜只係普通。XO醬帶子蝦仁伴西蘭花帶子同蝦仁都係急凍貨，少許雪味，西蘭花都偏淡味，成道菜都比較清淡，最後老友提左我一句，又話有XO醬既，係喎，一d XO醬味都無，失敗。白飯白飯偏硬身，我個人口味都鍾意硬少少既飯，但都覺得硬左d。熱奶茶，凍檸蜜熱飲加6蚊，凍飲加10蚊，飲品味道正常。整體黎講以今餐食既野黎評真係非常一般，未去到好難食，但一定唔叫好，可能餐廳主打唔係小菜掛，但做熱點餐廳就有d名過於實，有點失望。