丸十日本食堂 (Closed)

葵芳覓食我相信好多人都試過，但今次唔係去掃街，今次係為左朋友生日黎到都新都會廣場食期間限定主題既丸十食堂，今次撞啱有朋友最愛既姆明主題。諗都唔諗就鎖定餐廳。刺身定食一碗有5款刺身，三文魚、三文魚子、赤身鯛魚同埋帶子，刺身食落冇雪味，亦唔係薄切，定食配埋沙律+味憎湯。宇治抹茶鮮奶跟埋上面定食可以加錢轉其他飲品，點左姆明主題既抹茶鮮奶，飲品配番史力奇綠色既配搭，綠茶味香濃，配埋鮮奶就入口香滑。炸軟殻蟹壽司漢堡漢堡份量唔係細小，飯係用燒汁+珍珠米再煎香，食落有小小焦脆之餘米粒又夠煙靭，唔會一食就散開，漢堡再配原隻軟殼蟹，即叫即炸，非常香口。吉列蠔除左軟殼蟹，再點左一個吉列蠔，蠔入口juicy，炸漿唔厚，一碟有6件。