廿一由八 (Closed)

觀塘工廈臥虎藏龍，雖然好多棟大廈都其貌不揚，但其實好多好嘢喺入面💎-𠵱間店有整木工嘅studio，亦有實木製品、傢俬及各種精品售賣，飲完咖啡又可以行下。我哋嗌咗Canele de Bordeaux波爾多可麗露($35)、Custard cake with turmeric poached 🍐 pear 薑黃香梨吉士蛋糕($42)，iced latte （$42）同埋 Cappuccino（$38） 。-咖啡偏濃同甘香，nutty口感純粹係我無咁啱飲，但水準合格，不過不失。最驚喜係啲蛋糕😋，前者外層脆，內裏濕潤，有酒香，精緻小巧的一件，優雅質感，以為去咗法國🇫🇷。吉士蛋糕仲正，不愧係佢嘅招牌貨，蛋糕口感實淨有彈性，氣孔綿密，味道輕柔清新不過甜，有梨肉放中間，食多兩啖仲有啲檸檬🍋嘅酸，清新✨加上佢用乳酪取代牛油，唔會食到好滯。好似童話故事入面，女主角去外婆屋企，呀外婆會焗個蛋糕請你食嗰種餅，家🏠的感覺出晒嚟。最後，唔知大家知唔知店名點嚟？原來同姓氏有關，如果好似我咁摺啱啱先知，不妨試一次間嘢再搵下答案啦😁答案喺店內會搵到。