橫浜街場 (Closed)

有人介紹我去依間食佢個木桶火鍋 因為同一般既邊爐相比 佢依個唔會好熱氣 我一開始都唔覺得有咁神奇 但食完之後就知真係！因為我同朋友都中意藥膳，我地叫咗個藥膳養生雞煲，侍應一開始會叫我地唔好放生肉底者餃除落去煮住，等啲湯煲滾咗， 試飲佢個湯先。 個湯好清甜，有紅棗、雞、人參、山藥等等一齊煲，超級好飲😋個湯之所以咁清甜係因為個木桶入面既旁邊有好多個lone 會出啲新煲、無油既湯，所以就算之後落咗牛肉、豬肉都唔會飲湯飲埋啲油，值得一讚！我地叫果個每人$298，主菜有西洋菜餃、韭菜餃、芫荽餃、魚尾雲吞、響鈴、魚皮、豬肉釀瓜環、油炸鬼、芝心牛丸、豬肉黑松露丸、墨魚丸。佢地啲餃子好好食，重點係啲餃子雲吞皮好薄好滑，所以睇得出好用心，而且係真，手工餃。最估佢唔到係個油炸鬼，原來一啲都唔普通，原來打邊爐食都好入味，好特別。最後肉類揀咗肥牛肉，唔會太un，好新鮮👍🏼仲有好多可以任叫既餸，蟹柳、豆腐、烏冬、娃娃菜、金針菇等等，加錢既有大蝦，$88 六隻。另外野飲都係任叫ga😀最後仲有牛奶果凍，好可愛，夫婦奶凍！