Video
Read full review
2019-06-07
987 views
餐廳：木津 (旺角)地址：旺角亞皆老街84-86號昌明大廈地下日本放題就食得多，日本嘅居酒屋就好少去，旺角亞皆老街，係旺角地鐵話同旺角東火車站中間，有一間相當顯眼嘅木津居酒屋，除咗有串燒、刺身同日式烏冬之外，仲有唔少嘅紅酒啤酒可以品嚐三色丼飯 $138所謂嘅三色丼飯就係三文魚、帶子同甜蝦三款刺身組合嘅丼飯，帶子足足有接近十片！勁足料！刺身亦夠哂新鮮，無論係齋睇定食落口都係咁掂，去食飯嘅話一定要試吓佢哋嘅刺身丼飯吉列豬扒豬骨湯烏冬 $98豬扒肉嫩，吉列外層鬆脆，不過麵粉似乎太多，有少少厚，但出乎意料嘅係連埋烏冬一齊上嘅螺肉幾好食，下次可以直接叫黎食串燒就叫左燒秋葵($18)、雞軟骨串燒($22)同日本一口薯串燒($20)，秋葵唔會好黏口或者有滑潺潺嘅感覺，配上芝麻同燒汁令淡而無味嘅秋葵味道變得美味豐富，雞軟骨爽口得黎唔會有太大舊軟骨，比普通雞肉仲多咗一層口感，值得一試卡斯智利🇨🇱赤霞珠紅葡萄酒 $60/杯智利出產，有香濃嘅李子同黑莓香，仲散發住淡淡紅果嘅甘甜，飲落口對比起平時嘅葡萄酒少咗一份酸嘅味道，非常香醇
地址：旺角亞皆老街84-86號昌明大廈地下
日本放題就食得多，日本嘅居酒屋就好少去，旺角亞皆老街，係旺角地鐵話同旺角東火車站中間，有一間相當顯眼嘅木津居酒屋，除咗有串燒、刺身同日式烏冬之外，仲有唔少嘅紅酒啤酒可以品嚐
三色丼飯 $138
所謂嘅三色丼飯就係三文魚、帶子同甜蝦三款刺身組合嘅丼飯，帶子足足有接近十片！勁足料！刺身亦夠哂新鮮，無論係齋睇定食落口都係咁掂，去食飯嘅話一定要試吓佢哋嘅刺身丼飯
吉列豬扒豬骨湯烏冬 $98
豬扒肉嫩，吉列外層鬆脆，不過麵粉似乎太多，有少少厚，但出乎意料嘅係連埋烏冬一齊上嘅螺肉幾好食，下次可以直接叫黎食
串燒就叫左燒秋葵($18)、雞軟骨串燒($22)同日本一口薯串燒($20)，秋葵唔會好黏口或者有滑潺潺嘅感覺，配上芝麻同燒汁令淡而無味嘅秋葵味道變得美味豐富，雞軟骨爽口得黎唔會有太大舊軟骨，比普通雞肉仲多咗一層口感，值得一試
卡斯智利🇨🇱赤霞珠紅葡萄酒 $60/杯
智利出產，有香濃嘅李子同黑莓香，仲散發住淡淡紅果嘅甘甜，飲落口對比起平時嘅葡萄酒少咗一份酸嘅味道，非常香醇
Post
