花花世界. (Closed)

睇得出老闆好有心思，出升降機時已經聞到陣陣香薰嘅香味，入到餐廳好似去左人哋結婚酒會，天花丶牆丶地下周圍都係花，就連茶杯茶壺都係西式帶有花邊裝飾嗰隻，叫左set lunch, 先嚟一杯西蘭花忌廉湯，跟著嚟個松露帶子雜菌意大利飯，成碟飯個presentation 幾有心思㗎，煮意大利飯個湯底味道做得好，所以個飯好食，兩粒帶子煎得外層微焦，加左小小松露，咬落去幾香口，飲品叫左胎菊甘駿眉紅茶，茶壺茶杯一齊上枱，可以慢慢享受呢杯熱茶呢。