你妳 (Closed)

好耐之前食過荃灣總店之後竟然見到屋企附近開咗！立即去試吓呢間店嘅水準，個三文治仍然都係咁好食！所以第一時間要介紹吓個三文治先，佢係芋泥加肉鬆，又甜又鹹你可能會覺得好奇怪，但係肉鬆又行行吓都會有一啲甜味走出嚟，同芋泥好夾，而且佢個三文治個包煎到外邊脆脆感，口感非常好。另外估唔到佢細細間都有提供咸食，不過就只做外賣，叫咗個小食，入邊有甜不辣同番薯條，炸嘢都幾出色。講到台式小食當然唔少得芋泥仙草凍啦！佢個仙草超級滑溜，而且整體唔算太甜，我覺得如果可以加埋黑糖冰就更加好。最令人驚喜嘅就係佢個門口有個好似多啦A夢隨意門咁嘅粉紅色大門俾大家打卡影相，非常貼心。