YOKU MOKU

Open Now

Now Closed

月中同朋友去左山頂野餐，記起IFC有呢間蛋卷，YOKU MOKU 喺日本都幾多分店，本店喺東京南青山，出售果凍、蛋卷、曲奇，全部日本直送。聽講蛋卷係人氣之選，所以買左兩個味道試一試（設一條裝同半條裝）包裝幾靚。原味蛋卷 $88皇家奶茶味蛋卷 $95蛋卷口感鬆軟，蛋味都算濃。奶油忌廉細滑而且好香，但略甜。一定好食過普通餅店嘅蛋卷，當然價錢貴好多倍！奶茶味喺朋友群中評價有差，有朋友覺得一般，茶味唔夠。但男朋友就覺得還可以，雖然覺得原味好食啲。整體黎講，呢間嘅蛋卷價錢真係稍貴，不過唔算話好驚豔。一條嘅話，我地6個食，好足夠，始終多吃奶油都會膩。有機會想試下8b dolce果個再比較。原味雪茄蛋卷值得一提，店員見我地人多，贈送左好幾條原味雪茄蛋卷（唔止相中咁少）原本要買都唔平的，店家夠大方！每條蛋卷都有獨立包裝，食落香濃奶油味，而且好脆！不過蛋味就偏淡。我地反而覺得呢幾條蛋卷幾唔錯。