Video
Read full review
2022-05-28
2000 views
第一次想寫食評，唔係因為啲嘢食好好，係因為侍應服務態度實在太差🙁首先嘢食方面係不過不失，雞肉係ok嘅，但係牛肉同豬肉都係偏“鞋”，配菜都係一般打邊爐會有嘅嘢食，冇咩特別嘢飲我哋就冇加$30-$40嘅酒放題，因為自己同朋友都係唔係好飲酒，餐廳會一人送一支樽裝茶，都係冇特別當晚最大問題係，當我同朋友仲食緊嘅時候，有個紥馬尾嘅男侍應突然走埋嚟話：「用餐時候已到，需要離開。」我哋2個即時嘅反應都係心諗：吓，仲食緊喎…跟住望吓個時間，佢真係冇多冇少90分鐘就準時叫你走😓 咁我哋已經即刻去攞埋雪糕諗住快快趣食埋就走，點知我哋一路食個侍應就一路望實我哋，仲要每隔5分鐘就行過嚟用好冇禮貌嘅態度話：「已經過咗用餐時間5分鐘，請盡快離開。」/「已經過咗用餐時間10分鐘，請離開。」😰 到依度，我同朋友都已經唔想再食，所以起身走咗其實我哋都明白係有時間限制，不過咁不近人情嘅侍應就真係第一次見😓 因為我箍緊牙嘅關係，所以我食嘢真係會慢啲，所以如果過咗用餐時間真係要講聲唔好意思。不過亦都想講：當時個時間已經係9：40，周圍亦都有好多吉枱，佢哋都冇下場要趕，真係唔明有咪有必要一定要客人準時走？即使多人如壽司郎，都未
首先嘢食方面係不過不失，雞肉係ok嘅，但係牛肉同豬肉都係偏“鞋”，配菜都係一般打邊爐會有嘅嘢食，冇咩特別
嘢飲我哋就冇加$30-$40嘅酒放題，因為自己同朋友都係唔係好飲酒，餐廳會一人送一支樽裝茶，都係冇特別
當晚最大問題係，當我同朋友仲食緊嘅時候，有個紥馬尾嘅男侍應突然走埋嚟話：「用餐時候已到，需要離開。」我哋2個即時嘅反應都係心諗：吓，仲食緊喎…跟住望吓個時間，佢真係冇多冇少90分鐘就準時叫你走😓 咁我哋已經即刻去攞埋雪糕諗住快快趣食埋就走，點知我哋一路食個侍應就一路望實我哋，仲要每隔5分鐘就行過嚟用好冇禮貌嘅態度話：「已經過咗用餐時間5分鐘，請盡快離開。」/「已經過咗用餐時間10分鐘，請離開。」😰 到依度，我同朋友都已經唔想再食，所以起身走咗
其實我哋都明白係有時間限制，不過咁不近人情嘅侍應就真係第一次見😓 因為我箍緊牙嘅關係，所以我食嘢真係會慢啲，所以如果過咗用餐時間真係要講聲唔好意思。不過亦都想講：當時個時間已經係9：40，周圍亦都有好多吉枱，佢哋都冇下場要趕，真係唔明有咪有必要一定要客人準時走？即使多人如壽司郎，都未試過一食夠一個鐘就趕人走，仲要係用咁嘅態度😓
未試過食放題食到咁嬲咁走，一定冇下次
Post