羅麥記 (Closed)

我從未試過每道菜食兩啖就放低叫人收走而唔覺得浪費，因為啲食材俾佢哋咁搞法已經係一種浪費。叫個蝦多士，塊多士係淋嘅，即係一舊搽咗pat蝦膠嘅麵包；又叫個無骨海南雞飯，個飯係白飯加咗啲類似蒜但無味嘅物體，雞係白烚無味嘅；仲有個芝士豬頸肉撈丁，pat白色所謂嘅芝士同豬頸肉都係無味嘅；之後個咖哩蝦飯稍為似係人食嘅嘢，但只有辣味，個咖哩應該只係用咖哩粉同水開出嚟嘅。整體成餐我覺得我好似係失去咗味覺，不過有樣可取嘅係佢哋一定無落味精！堅持唔食味精嘅朋友不妨一試，不過你要預咗佢哋啲食物係連味都無。