Big John (Closed)

話說尋日下午諗住去試下，去到門口見裡面無位加上地方淺窄就企喺門口等啦，之後都有人排我地後面，跟住無耐有個四眼仔叫我地入去，我地以為有位，點知係得一個位，同時間近門口位置有2人走，點知比後面既人捷足先登坐左，咁無辦法啦，可能人地都以為我地有位坐，之後將個1位讓左比位女士，而眼見其他人都仲有野未食晒加上不斷有店員喺身邊行嚟行去，咁我地就退返店內門口等，等左一陣跟住有一對男女入嚟，同時間有一對人走，佢地就想埋去坐，我同友人話我地嚟先架，果位搶位女士話呢度唔係茶樓排隊等位喎（可能佢係舊式茶樓企喺人地後面等位時代成長），我地谷氣之下就走左。下次真係見到有位先去，無位要我同人爭位就咪攪喇，幾好食都無用啦。