PizzaExpress (V City) (Closed)

平時都有食開pizza express。今日喺屯門店叫咗個二人餐，見未試過佢嘅卡邦尼忌廉意粉就叫嚟試下。點知食落口咩味都食唔到，淨係食到好油。🤢 問個侍應，佢話口味係偏淡正常嘅。本住唔浪費嘅精神，問佢拎鹽嚟加都食哂。食到底見到啲油真係搞唔掂…😵‍💫除咗呢個咁難食嘅意粉之外，都叫咗個四式芝士薄餅🍕，呢個薄餅真係從來都冇令人失望過。🤤 薄餅底係偏薄嗰隻，好有芝士嘅鹹香味。🧀 另外個侍應都有提返用咗藍芝士，怕有古人食唔慣隻味。