居食屋「和民」 (Closed)

set lunch $48 味噌湯+沙律+三文魚生飯+餐飲咁o既價錢有魚生飯食都唔期望好好，味道okay; 但portion 以set lunch o黎講唔太夠；同枱女生見到都話俾著佢地都唔夠飽。早知叫個豬排定食。味噌湯微暖...同枱有人食海鮮石頭鍋飯定食，同樣地份量都係細左d，女仔都只係o岩o岩夠。沙律o係食完晒d main course & 餐飲飲左一半先上，唔講以為咁型用沙律做甜品。落得太多和民沙律汁，太濃味。沙律都係清清o地好。最恐怖係個凍啡，一睇d顏色已經唔對路，望落以為係紅茶。冇淡奶，被迫加coffee mate；溝水咖啡+奶粉，加倍難飲。頂唔順換過杯講明要濃d，到頭來一樣係咁。呢杯係本少爺史上第一杯飲唔晒o既餐飲。飲啖熱茶好過。服務其差。問侍應要杯熱茶就去左計數，到放棄杯茶想落order就串咀話斟緊水。魚生飯用碟上但唔俾匙羮，可能係我唔識用筷子，食得好辛苦。餐飲漏單追3次先有反應，但埋單就極速。