四喜麵包西餅 (Closed)

路經尖沙咀，見到有舖頭新開張，發現原來係四起餅店，我買咗幾樣野不過有啲唔記得咗影相，我買咗一筒朱古力牛油曲奇、兩款泡芙同埋生朱古力。朱古力牛油曲奇🍪 - 牛油嘅香味，曲奇嘅鬆脆，再加上頂層嘅朱古力唔會太甜，恰到好處，不過稍嫌朱古力有啲偏硬。 兩款泡芙 - 一款係脆皮泡芙，餡就係雲呢拿忌廉；另一款就係朱古力泡芙，餡就係朱古力忌廉。其實兩款泡芙都差唔多，冇乜特別。生朱古力 - 呢款就比較特別，不過我唔鍾意食，首先佢係將我認知嘅生朱古力嘅質地係改變左，佢嘅生朱古力個質地有啲似糯米糍，但係就唔係煙銀嗰種，係淋，我諗有人會鍾意食嘅但係唔係我。