Video
Read full review
2023-04-30
27 views
位於世貿中心11樓嘅新餐廳，牛陣姊妹品牌，主打日本產黑毛和牛涮涮鍋，明顯走比較高檔嘅路線，餐廳裝修好日式簡約自然風，有空間感，見到個環境已經有好印象~Weekend lunch有三個餐選擇，揀咗最貴嘅特選鹿兒島A5黑毛和牛套餐，$689一位已包前菜、野菜盛合、湯底、和牛、飯/烏冬/蕎麥麵、仲有甜品～先講主角和牛，餐牌冇詳細寫份量，比我想像中嘅多，而且質素好好，油花好靚，全部都淥10秒左右就食得，真係做到入口即溶，令人一試難忘一路食一路覺得我哋揀啱咗湯底，豆乳蕃茄湯，豆乳打成cream再加落蕃茄湯底，做法好獨特，濃郁蕃茄味酸酸甜甜，同和牛出奇地夾，中和返和牛嘅油膩感，太正喇～🔘綠色碟 - 牛肩胛、赤身 (肉質柔軟)🔘白色碟 - 黑毛和牛板腱肉(肉嫰有牛味)、A4和牛西冷🔘金色碟 - 鹿兒島A5黑毛和牛 (超大塊最肥美)🔘方形金碟 - 澳洲安格斯白金牛舌 (一睇就知係高質牛舌，建議包住香蔥一齊食)前菜四品有螢光魷魚、油甘魚海膽、和牛他他同檸檬海蜇，賣相精緻又refreshing，自己特別喜愛和牛他他，少少牛脂感完全冇筋，配搭京蔥伴生雞蛋~顏色鮮艷嘅野菜盛合， 10多款不同時令蔬菜，店員話全
Weekend lunch有三個餐選擇，揀咗最貴嘅特選鹿兒島A5黑毛和牛套餐，$689一位已包前菜、野菜盛合、湯底、和牛、飯/烏冬/蕎麥麵、仲有甜品～
先講主角和牛，餐牌冇詳細寫份量，比我想像中嘅多，而且質素好好，油花好靚，全部都淥10秒左右就食得，真係做到入口即溶，令人一試難忘一路食一路覺得我哋揀啱咗湯底，豆乳蕃茄湯，豆乳打成cream再加落蕃茄湯底，做法好獨特，濃郁蕃茄味酸酸甜甜，同和牛出奇地夾，中和返和牛嘅油膩感，太正喇～
🔘綠色碟 - 牛肩胛、赤身 (肉質柔軟)
🔘白色碟 - 黑毛和牛板腱肉(肉嫰有牛味)、A4和牛西冷
🔘金色碟 - 鹿兒島A5黑毛和牛 (超大塊最肥美)
🔘方形金碟 - 澳洲安格斯白金牛舌 (一睇就知係高質牛舌，建議包住香蔥一齊食)
前菜四品有螢光魷魚、油甘魚海膽、和牛他他
同檸檬海蜇，賣相精緻又refreshing，自己特別喜愛和牛他他，少少牛脂感完全冇筋，配搭京蔥伴生雞蛋~
顏色鮮艷嘅野菜盛合， 10多款不同時令蔬菜，店員話全部係水耕同有機菜，份外新鮮清甜，比較有印象嘅係日本蘿蔔心內美、紫椰菜花、仲有多款不同又幾特別嘅菇類~
主食揀咗蕎麥麵同飯，炊飯同蕃茄湯係最佳配搭
，飯吸收湯底的精華後味道即刻升華咗，大推呀~
最後食埋甜品真係大滿足，估唔到連鎖品牌都食到咁高質素嘅和牛，上網睇返原來牛陣係屬於日本但馬屋集團旗下，難怪和牛咁好食😋😋
Post
