Video
Read full review
2023-03-04
289 views
蒸氣海鮮火鍋之前我都食唔少，齊齊圍爐齊齊蒸幾開心！ 咁如果係孤獨的美食家、單身狗，又好似有少少尷尬…. 但今次同朋友嚟到✨船渦， 發覺呢度首創「一人蒸氣火鍋」就可以完全滿足晒唔同人嘅要求啦！🤩蒸氣海鮮套餐大玩中國風，上至九五至尊、下至九品芝麻，唔同價錢唔同種類嘅海鮮，風儉由人～ 我哋就嗌咗兩個《內務總管》套餐～用手機點餐就可以啦，好方便！▪️三點刺身 （北寄貝、甘蝦、帆立貝）新款刺身都幾鮮味、唔錯呢～▪️炸物（日式炸雞三粒）炸雞好味喎，外脆內軟！▪️海鮮（白蜆、蝦🦐、鮑魚、蟹、大蜆、元貝、時令海鮮）白蜆同大蜆海水味較濃，肉質結實～時令海鮮係貴妃蚌，厚肉清甜～海中蝦夠晒大隻，肉質爽甜有嚼勁～肉蟹多肉多膏，半隻份量啱啱好～元貝平時我哋通常加蒜蓉粉絲去蒸，今次完全清蒸、更加突顯其鮮味～鮑魚鮮甜有咬口又唔韌～▪️肉類（美國肥牛/豚肉片/雞腿肉）我哋兩個牛魔王梗係揀肥牛啦😜haha～ 食火鍋點可以冇肥牛，不過今次唔係「拾下拾下」，用蒸嘅方式、牛肉味好似比起烚更加濃郁～▪️三寶丸（牛骨濃汁牛丸、薑汁皮蛋貢丸、招牌墨魚丸）三隻丸蒸後都好大粒呢，三款都好好食！薑汁皮蛋貢丸入面有爆漿薑汁，食嘅時候就要小心啲😜▪️
蒸氣海鮮套餐大玩中國風，上至九五至尊、下至九品芝麻，唔同價錢唔同種類嘅海鮮，風儉由人～
我哋就嗌咗兩個《內務總管》套餐～用手機點餐就可以啦，好方便！
內務總管套餐
$288
33 views
0 likes
0 comments
▪️三點刺身 （北寄貝、甘蝦、帆立貝）
新款刺身都幾鮮味、唔錯呢～
▪️炸物（日式炸雞三粒）
炸雞好味喎，外脆內軟！
▪️海鮮（白蜆、蝦🦐、鮑魚、蟹、大蜆、元貝、時令海鮮）
白蜆同大蜆海水味較濃，肉質結實～
時令海鮮係貴妃蚌，厚肉清甜～
海中蝦夠晒大隻，肉質爽甜有嚼勁～
肉蟹多肉多膏，半隻份量啱啱好～
元貝平時我哋通常加蒜蓉粉絲去蒸，今次完全清蒸、更加突顯其鮮味～
鮑魚鮮甜有咬口又唔韌～
▪️肉類（美國肥牛/豚肉片/雞腿肉）
我哋兩個牛魔王梗係揀肥牛啦😜
haha～ 食火鍋點可以冇肥牛，不過今次唔係「拾下拾下」，用蒸嘅方式、牛肉味好似比起烚更加濃郁～
▪️三寶丸（牛骨濃汁牛丸、薑汁皮蛋貢丸、招牌墨魚丸）
三隻丸蒸後都好大粒呢，三款都好好食！薑汁皮蛋貢丸入面有爆漿薑汁，食嘅時候就要小心啲😜
▪️蔬菜拼盤
入邊有南瓜、翠玉瓜、粟米、冬菇、金菇及2款菜，最正係翠玉瓜，蒸完之後勁好食！
另外套餐可以配麵底或者粥底，我就揀咗米線，朋友就揀咗拉麵，侍應會幫手係蒸爐下多餘既水拎走再加鮮魚湯，自己再加麻辣醬，咁就有好好味嘅麻辣麵食啦！
食完呢個餐真係好飽飽！好滿足！
仲有甜品雪米糍食添呀😆
如果大家唔夠飽，仲可以額外order，螢光板上會寫上每日的時令海鮮～
啱啱坐喺我哋對面嘅客人就係食緊斑馬賴尿蝦，見到上枱嘅時候仲係識郁，好生猛、真係超正！
Post
